സംസ്ഥാനത്ത് ഇന്ന് സ്വർണവിലയിൽ മാറ്റമില്ല, കഴിഞ്ഞ ഒരാഴ്ച കൊണ്ട് വർദ്ധിച്ചത് 2,320 രൂപ

സംസ്ഥാനത്ത് ഇന്ന് മാറ്റമില്ലാതെ സ്വർണവില. ഒരു പവൻ സ്വർണത്തിന് ഇന്ന് 44,320 രൂപയാണ് വിപണി വില. ഒരു ഗ്രാം സ്വർണത്തിന് 5,540 രൂപ നിരക്കിലാണ് ഇന്ന് വ്യാപാരം പുരോഗമിക്കുന്നത്. ഇന്നലെയും ഇന്നുമായി ഈ മാസത്തെ ഏറ്റവും ഉയർന്ന വില നിലവാരത്തിലാണ് സ്വർണം ഉള്ളത്. സംസ്ഥാനത്ത് ഇന്നലെ സ്വർണവിലയിൽ വർദ്ധനവ് രേഖപ്പെടുത്തിയിരുന്നു. ഒരു പവൻ സ്വർണത്തിന് 1,120 രൂപയും, ഒരു ഗ്രാം സ്വർണത്തിന് 140 രൂപയുമാണ് ഇന്നലെ വില കുതിച്ചുയർന്നത്.

ഈ മാസത്തെ ഏറ്റവും താഴ്ന്ന നിരക്ക് രേഖപ്പെടുത്തിയത് അഞ്ചാം തീയതിയാണ്. ഒരു പവൻ സ്വർണത്തിന് 41,920 രൂപയും, ഒരു ഗ്രാമിന് 5,240 രൂപയുമായിരുന്നു ഒക്ടോബർ അഞ്ചിലെ നിരക്ക്. ഒക്ടോബർ ആദ്യവാരം സ്വർണവിലയിൽ ഗണ്യമായ ഇടിവാണ് രേഖപ്പെടുത്തിയത്. ആഗോള തലത്തിൽ സ്വർണവ്യാപാരം വൻ ഉയർച്ചയിലാണ് നടക്കുന്നത്. ആഗോളവിപണിയിലെ വർദ്ധനവാണ് ആഭ്യന്തര വിപണിയിലും പ്രതിഫലിക്കുന്നത്.

Also Read: ഇസ്രയേലിനെ ചില കാര്യങ്ങള്‍ ഓര്‍മ്മപ്പെടുത്തി യുഎസ്