പാലക്കാട്: പാലക്കാട് ജില്ലയിലെ അമ്പലപ്പാറ ഗ്രാമപഞ്ചായത്ത് സെക്രട്ടറിയായിരുന്ന എൻ ആർ രവീന്ദ്രനെ 5,000 രൂപ കൈക്കൂലി വാങ്ങിയ കേസ്സിൽ കുറ്റക്കാരനാണെന്ന് കണ്ടെത്തി തൃശ്ശൂർ വിജിലൻസ് കോടതി ഒരു വർഷം കഠിന തടവിനും 1,00,000 രൂപ പിഴ ഒടുക്കുന്നതിനും ശിക്ഷിച്ചു.
2011 ഏപ്രിൽ മാസം ഇരുപത്തഞ്ചാംതിയതി അമ്പലപ്പാറ ഗ്രാമപഞ്ചായത്ത് സെക്രട്ടറിയായിരുന്ന എൻ ആർ രവീന്ദ്രൻ കളത്തിങ്കൽ സ്വദേശിയായ പരാതിക്കാരന്റെ പുതുതായി നിർമ്മിച്ച വീടിന് കെട്ടിട നമ്പർ അനുവദിക്കുന്നതിന് 5,000/- രൂപ കൈക്കൂലി ചോദിച്ചുവാങ്ങവേ പാലക്കാട് വിജിലൻസ് യൂണിറ്റ് മുൻ ഡെപ്യൂട്ടി പോലീസ് സൂപ്രണ്ട് സതീശൻ കൈയോടെ പിടികൂടി രജിസ്റ്റർ ചെയ്ത് അന്വേഷണം നടത്തി കുറ്റപത്രം സമർപ്പിച്ച കേസ്സിലാണ് കുറ്റക്കാരനാണെന്ന് തൃശ്ശൂർ വിജിലൻസ് കോടതി കണ്ടെത്തി ഒരു വർഷം കഠിന തടവിനും 1,00,000/- രൂപ പിഴ ഒടുക്കുന്നതിനും ശിക്ഷ വിധിച്ചത്. പ്രോസിക്യൂഷനു വേണ്ടി വിജിലൻസ് പബ്ലിക് പ്രോസിക്യൂട്ടർ ഇ ആർ സ്റ്റാലിൻ ഹാജരായി.
Post Your Comments