ആഗോളവിപണിയിൽ കത്തിക്കയറി സ്വർണവില, കേരളത്തിൽ നിന്നും വിലയിൽ വർദ്ധനവ്

സംസ്ഥാനത്ത് ഇന്ന് സ്വർണവിലയിൽ വർദ്ധനവ്. ഒരു പവൻ സ്വർണത്തിന് ഇന്ന് 280 രൂപയാണ് ഒറ്റയടിക്ക് കുതിച്ചുയർന്നത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 43,200 രൂപയായി. ഒരു ഗ്രാം സ്വർണത്തിന് 35 രൂപ വർദ്ധിച്ച് 5,400 രൂപ നിലവാരത്തിലാണ് ഇന്ന് വ്യാപാരം നടക്കുന്നത്. ഇതോടെ, ഒക്ടോബർ മാസത്തെ ഏറ്റവും ഉയർന്ന നിലവാരത്തിലാണ് സ്വർണവില ഇന്ന് ഉള്ളത്.

ഇന്നലെ മാറ്റമില്ലാതെ തുടർന്ന സ്വർണവിലയാണ് ഇന്ന് ഉയർന്നത്. ഇന്നലെ ഒരു പവൻ സ്വർണത്തിന് 42,920 രൂപയും, ഒരു ഗ്രാം സ്വർണത്തിന് 5,365 രൂപയുമായിരുന്നു നിരക്ക്. ഒക്ടോബർ 5-നാണ് ഈ മാസത്തെ ഏറ്റവും താഴ്ന്ന നിരക്ക് രേഖപ്പെടുത്തിയത്. അന്ന് ഒരു പവൻ സ്വർണത്തിന് 41,920 രൂപയും, ഒരു ഗ്രാം സ്വർണത്തിന് 5,240 രൂപയുമായിരുന്നു നിരക്ക്. ആഗോളതലത്തിൽ സ്വർണവില വർദ്ധനവിലാണ്. ട്രോയ് ഔൺസിന് 2.04 ഡോളർ ഉയർന്ന് 1,877.53 ഡോളർ നിലവാരത്തിലാണ് വ്യാപാരം പുരോഗമിക്കുന്നത്.

Also Read: ശല്യം സഹിക്കാതെ യുവതി ബഹളം വെച്ചതോടെ ബസ് നിർത്തി, ഉടൻ ബിനു ഇറങ്ങിയോടി