ലഹരി വേട്ട: കഞ്ചാവും മയക്കു മരുന്ന് ഗുളികകളുമായി രണ്ടു പേർ അറസ്റ്റിൽ

കൊച്ചി: എറണാകുളത്ത് ലഹരി വേട്ട. എറണാകുളം എക്‌സൈസ് സ്‌പെഷ്യൽ സ്‌ക്വാഡ് ഇൻസ്പെക്ടർ കെ പി പ്രമോദും സംഘവും ചേർന്ന് പാതാളം ഭാഗത്ത് നിന്ന് ഒരാളെ മയക്കുമരുന്ന് ഗുളികകളുമായി പിടികൂടി. പറവൂർ എലൂർ സ്വദേശി ടോമി പി ജി എന്നയാളെയാണ് വിൽപ്പനയ്ക്കായി കൊണ്ടുവന്ന 80 മയക്കുമരുന്ന് ഗുളികകൾ സഹിതം എക്‌സൈസ് അറസ്റ്റ് ചെയ്തത്.

Read Also: വെറുംവയറ്റില്‍ ചായയും കാപ്പിയുമൊക്കെ കുടിക്കുന്നതിന് പകരം ഇങ്ങനെ ചെയ്യൂ!! ഗുണങ്ങൾ അനുഭവിച്ച് അറിയൂ

ഇയാളുടെ ബൈക്കും കസ്റ്റഡിയിലെടുത്തിട്ടുണ്ട്. പിന്നീട് കളമശ്ശേരി ജെഎഫ്‌സിഎം കോടതി പ്രതിയെ റിമാൻഡ് ചെയ്തു. എറണാകുളം EI & IB യിൽ നിന്ന് ലഭിച്ച വിവരത്തിന്റെ അടിസ്ഥാനത്തിൽ ആയിരുന്നു പരിശോധന.
അങ്കമാലി ടൗൺ ഭാഗത്ത് നിന്ന് 1.22 കിലോഗ്രാം കഞ്ചാവ് എക്‌സൈസ് പിടികൂടി. ബംഗാൾ സ്വദേശി മാകിം എന്നയാളാണ് കഞ്ചാവുമായി ആലുവ എക്‌സൈസ് സർക്കിൾ ഇൻസ്‌പെക്ടർ മുഹമ്മദ് ഹാരീഷിന്റെ പിടിയിലായത്. പാർട്ടിയിൽ പ്രിവന്റീവ് ഓഫീസർമാരായ ഗോപി പി കെ, സുരേഷ് ബാബു പി എൻ, സിവിൽ എക്‌സൈസ് ഓഫീസർമാരായ ജിബിനാസ് വി എം, സലാഹുദ്ദീൻ സി കെ, ഡ്രൈവർ ശിഹാബുദ്ദീൻ എന്നിവർ പങ്കെടുത്തു.

Read Also: വെറുംവയറ്റില്‍ ചായയും കാപ്പിയുമൊക്കെ കുടിക്കുന്നതിന് പകരം ഇങ്ങനെ ചെയ്യൂ!! ഗുണങ്ങൾ അനുഭവിച്ച് അറിയൂ