സംസ്ഥാനത്ത് ഇന്ന് കുത്തനെ ഇടിഞ്ഞ് സ്വർണവില

സംസ്ഥാനത്തെ ഇന്ന് സ്വർണവിലയിൽ ഇടിവ്. ഒരു പവൻ സ്വർണത്തിന് ഇന്ന് 160 രൂപയാണ് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 43,800 രൂപയായി. ഒരു ഗ്രാം സ്വർണത്തിന് 20 രൂപ കുറഞ്ഞ്, 5,475 രൂപ നിലവാരത്തിലാണ് ഇന്ന് വ്യാപാരം പുരോഗമിക്കുന്നത്. സംസ്ഥാനത്ത് തുടർച്ചയായ രണ്ട് ദിവസം സ്വർണവിലയിൽ മാറ്റങ്ങൾ രേഖപ്പെടുത്തിയിരുന്നില്ല. ഇന്നലെ ഒരു പവൻ സ്വർണത്തിന് 43,960 രൂപയും, ഒരു ഗ്രാം സ്വർണത്തിന് 5,495 രൂപയുമായിരുന്നു വില.

ആഗോള തലത്തിൽ സ്വർണവില നേരിയ ഇടിവിലാണ്. ട്രോയ് ഔൺസിന് 2.89 ഡോളർ ഇടിഞ്ഞ് 1,913.39 ഡോളർ നിലവാരത്തിലാണ് ഉള്ളത്. കഴിഞ്ഞ മാസങ്ങളെ അപേക്ഷിച്ച് സ്വർണവില താഴ്ന്ന നിലയിൽ എത്തിയതിനാൽ, നേരിയ തോതിൽ ഡിമാൻഡ് ഉയർന്നിട്ടുണ്ട്. ആഗോള വിപണിയിലെ കയറ്റിറക്കങ്ങൾ വരും ദിവസങ്ങളിലും കേരളത്തിലെ സ്വർണവിപണിയിൽ പ്രതിഫലിക്കാൻ സാധ്യതയുണ്ടെന്നാണ് വിദഗ്ധരുടെ വിലയിരുത്തൽ. അതേസമയം, സംസ്ഥാനത്ത് ഇന്ന് വെള്ളി വില ഉയർന്നിട്ടുണ്ട്. ഒരു ഗ്രാം വെള്ളിയുടെ ഇന്നത്തെ വിപണി വില 79 രൂപയാണ്.

Also Read: കാസര്‍ഗോഡ് സ്‌കൂള്‍ ബസും ഓട്ടോറിക്ഷയും കൂട്ടിയിടിച്ച് അഞ്ച് പേര്‍ മരിച്ച സംഭവം: ബസ് ഡ്രൈവര്‍ക്കെതിരെ കേസ്