സംസ്ഥാനത്ത് ഇന്ന് സ്വർണവില നിശ്ചലം, അറിയാം ഇന്നത്തെ നിരക്കുകൾ

സംസ്ഥാനത്ത് ഇന്ന് മാറ്റമില്ലാതെ സ്വർണവില. ഒരു പവൻ സ്വർണത്തിന് 43,960 രൂപ നിരക്കിലാണ് ഇന്ന് വ്യാപാരം പുരോഗമിക്കുന്നത്. ഒരു ഗ്രാം സ്വർണത്തിന്റെ ഇന്നത്തെ വിപണി വില 5,495 രൂപയാണ്. സംസ്ഥാനത്ത് ഇന്നലെ സ്വർണവില ഉയർന്നിരുന്നു. ഒരു പവൻ സ്വർണത്തിന് 80 രൂപയും, ഒരു ഗ്രാം സ്വർണത്തിന് 10 രൂപയുമാണ് ഇന്നലെ വർദ്ധിച്ചത്. ഈ മാസത്തിന്റെ ആരംഭത്തിൽ തന്നെ സ്വർണവില ചാഞ്ചാട്ടങ്ങൾക്ക് വിധേയമായിരുന്നു.

ആഗോള തലത്തിൽ സ്വർണവിലയിൽ വർദ്ധനവ് ഉണ്ടായിട്ടുണ്ട്. ട്രോയ് ഔൺസിന് 3.96 ഡോളർ ഉയർന്ന് 1,925.42 ഡോളർ നിലവാരത്തിലാണ് ഉള്ളത്. കഴിഞ്ഞ മാസങ്ങളെ അപേക്ഷിച്ച് സ്വർണവില താഴ്ന്ന നിലയിൽ എത്തിയതിനാൽ, നേരിയ തോതിൽ ഡിമാൻഡ് ഉയർന്നിട്ടുണ്ട്. ആഗോള വിപണിയിലെ കയറ്റിറക്കങ്ങൾ വരും ദിവസങ്ങളിലും കേരളത്തിലെ സ്വർണവിപണിയിൽ പ്രതിഫലിക്കാൻ സാധ്യതയുണ്ടെന്നാണ് വിദഗ്ധരുടെ വിലയിരുത്തൽ. അതേസമയം, സംസ്ഥാനത്ത് ഇന്ന് വെള്ളി വില ഉയർന്നിട്ടുണ്ട്. ഒരു ഗ്രാം വെള്ളിയുടെ ഇന്നത്തെ വിപണി വില 79.30 രൂപയാണ്.

Also Read: വോട്ടർ പട്ടികയിൽ പേര് ചേർക്കാനുള്ള സമയപരിധി അവസാനിച്ചു, അന്തിമ പട്ടിക ഒക്ടോബറിൽ പ്രസിദ്ധീകരിക്കും