കിലോമീറ്ററുകൾ താണ്ടി മുംബൈയിലെത്തി! ഐഫോൺ 15 പ്രോ സ്വന്തമാക്കാൻ യുവാവ് ക്യൂ നിന്നത് 17 മണിക്കൂർ

ഇഷ്ടപ്പെട്ട ഉൽപ്പന്നം സ്വന്തമാക്കാൻ സമയവും ദൂരവും ഒരു പ്രശ്നമേ അല്ലെന്ന് തെളിയിച്ചിരിക്കുകയാണ് അഹമ്മദാബാദ് സ്വദേശിയായ ഒരു യുവാവ്. ആപ്പിൾ പുറത്തിറക്കിയ ഏറ്റവും പുതിയ സീരീസിലെ ഹാൻഡ്സെറ്റായ ഐഫോൺ 15 പ്രോ വാങ്ങാനായി അഹമ്മദാബാദിൽ നിന്ന് മുംബൈ വരെയാണ് യുവാവ് യാത്ര ചെയ്തത്. തുടർന്ന് മുംബൈയിലെ ആപ്പിൾ സ്റ്റോറിന് മുന്നിൽ 17 മണിക്കൂർ ക്യൂ നിന്നാണ് തന്റെ ഇഷ്ട ഹാൻഡ്സെറ്റായ ഐഫോൺ 15 പ്രോ സ്വന്തമാക്കിയത്.

ഐഫോൺ 15 സീരീസിന് പ്രീ-ഓർഡർ ചെയ്തവർക്ക് മുഴുവൻ തുകയും നൽകി ഫോണുകൾ വാങ്ങാനാകും. പ്രീ ഓർഡർ ചെയ്യാത്തവർക്കും സ്റ്റോറുകളിൽ നേരിട്ടെത്തി ഐഫോൺ വാങ്ങാനുള്ള അവസരവും ഒരുക്കിയിട്ടുണ്ട്. ഐഫോൺ 15, ഐഫോൺ 15 പ്ലസ്, ഐഫോൺ 15 പ്രോ, ഐഫോൺ 15 പ്രോ മാക്സ് എന്നിവയാണ് ഇത്തവണ പുറത്തിറക്കിയ നാല് മോഡലുകൾ. ഇന്ത്യയിലെ ആദ്യത്തെ ആപ്പിൾ സ്റ്റോറാണ് മുംബൈയിൽ ഉള്ളത്. ഐഫോൺ 15 സീരീസുകളുടെ വിൽപ്പന ആരംഭിച്ചതോടെ സ്റ്റോറുകൾക്ക് മുന്നിൽ വൻ ജനത്തിരക്കാണ് അനുഭവപ്പെട്ടത്. ഡൽഹിയിലെ ആപ്പിൾ സ്റ്റോറിന് മുന്നിലെ സ്ഥിതിയും വ്യത്യസ്ഥമല്ല.

Also Read: ശക്തമായ മഴയില്‍ കൊച്ചി ഇടപ്പള്ളിയില്‍ വെള്ളക്കെട്ട്