ഓഫർ വിലയിൽ ഐക്യു നിയോ 7 5ജി സ്വന്തമാക്കാൻ അവസരം, കൂടുതൽ വിവരങ്ങൾ അറിയാം

ഓഫർ വിലയിൽ സ്മാർട്ട്ഫോണുകൾ വാങ്ങാൻ ആഗ്രഹിക്കുന്നവരാണ് ഭൂരിഭാഗം ആളുകളും. ഇത്തരത്തിൽ ഓഫർ വിലയിൽ സ്മാർട്ട്ഫോൺ തിരയുന്നവർക്ക് മികച്ച ഓപ്ഷനുമായി എത്തിയിരിക്കുകയാണ് പ്രമുഖ സ്മാർട്ട്ഫോൺ നിർമ്മാതാക്കളായ ഐക്യു. ഈ വർഷം ഫെബ്രുവരിയിൽ ഇന്ത്യൻ വിപണിയിൽ അവതരിപ്പിച്ച ഐക്യു നിയോ 7 5ജി ഹാൻഡ്സെറ്റാണ് ഓഫർ വിലയിൽ ലഭ്യമാകുന്നത്. ആകർഷകമായ സവിശേഷതകളുമായി വിപണിയിൽ എത്തിയ ഈ സ്മാർട്ട്ഫോണിന് ഇപ്പോൾ ഗംഭീര വിലക്കുറവാണ് പ്രഖ്യാപിച്ചിരിക്കുന്നത്. ഓഫർ വിലയെ കുറിച്ച് കൂടുതൽ പരിചയപ്പെടാം.

ഐക്യു നിയോ 7 5ജി സ്മാർട്ട്ഫോൺ രണ്ട് വേരിയന്റുകളിലാണ് ലഭ്യമാകുന്നത്. ഫോണിന്റെ 8 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള മോഡലിന് 29,999 രൂപയാണ് വില. അതേസമയം, 12 ജിബി റാം പ്ലസ് 256 ജിബി ഇന്റേണൽ സ്റ്റോറേജ് ഉള്ള വേരിയന്റിന് 33,999 രൂപയാണ് വില. നിലവിൽ, ഈ ഹാൻഡ്സെറ്റിന് 2000 രൂപയുടെ കിഴിവാണ് പ്രഖ്യാപിച്ചിരിക്കുന്നത്. ഇതോടെ, 8 ജിബി വേരിയന്റ് 27,999 രൂപയ്ക്കും, 12 ജിബി വേരിയന്റ് 31,999 രൂപയ്ക്കും സ്വന്തമാക്കാനാകും. ഫോറസ്റ്റ് ബ്ലൂ, ഇന്റർസ്റ്റെല്ലാർ ബ്ലാക്ക് കളർ ഓപ്ഷനുകളിലാണ് വാങ്ങാനാകുക.

Also Read: വിവാഹവാഗ്ദാനം നല്‍കിവഞ്ചിച്ചു, ലെെംഗികാതിക്രമ പരാതിയുമായി നടി, സംവിധായകനെ ചോദ്യം ചെയ്യും