കൊച്ചി: പെണ്‍കുട്ടിയെ മര്‍ദിക്കുന്നത് തടഞ്ഞ സഹോദരങ്ങളായ രണ്ടു പേരെ കത്തികൊണ്ട് കുത്തിയ നാല് യുവാക്കൾ അറസ്റ്റിൽ. ചേര്‍ത്തല സ്വദേശികളായ അഭിജിത് (21), നിധിന്‍ (21), അജയ് (21), തുറവൂര്‍ സ്വദേശി അഭിഷേക് (22) എന്നിവരെയാണ് അറസ്റ്റ് ചെയ്തത്. എറണാകുളം നോര്‍ത്ത് പൊലീസ് ആണ് അറസ്റ്റ് ചെയ്തത്.
തിങ്കളാഴ്ച രാത്രി 8.30-ഓടെ കതൃക്കടവിലായിരുന്നു സംഭവം. അഭിജിത് പെണ്‍സുഹൃത്തുമായി വഴക്കിടുന്നത് ശ്രദ്ധയില്‍പ്പെട്ടതോടെ സഹോദരങ്ങളായ രണ്ടുപേർ ഇതു ചോദ്യം ചെയ്യുകയും പെണ്‍കുട്ടിയെ മര്‍ദിക്കുന്നത് തടയുകയും ചെയ്തു. തുടർന്ന്, അഭിജിത്തും സുഹൃത്തുക്കളും ചേര്‍ന്ന് സഹോദരന്മാരെ മര്‍ദിക്കുകയും ഇവരിൽ ഒരാളെ കത്തികൊണ്ട് തലയ്ക്കു കുത്തി പരിക്കേല്‍പ്പിക്കുകയുമായിരുന്നു.
ആക്രമണത്തില്‍ തലയ്ക്കും കൈയ്ക്കും പരിക്കേറ്റ് സഹോദരന്മാരിൽ ഒരാൾ എറണാകുളം സ്‌പെഷലിസ്റ്റ് ആശുപത്രിയില്‍ ചികിത്സയിലാണ്.
Post Your Comments