കാത്തിരിപ്പിന് വിരാമം! ഐക്യു Z7 പ്രോ 5ജി ഇന്ത്യൻ വിപണിയിൽ അവതരിപ്പിച്ചു

ഉപഭോക്താക്കളുടെ കാത്തിരിപ്പിനൊടുവിൽ പുതിയ ഹാൻഡ്സെറ്റുമായി ഐക്യു ഇന്ത്യൻ വിപണിയിൽ എത്തി. ഐക്യു Z7 പ്രോ 5ജി എന്ന പുതിയ സ്മാർട്ട്ഫോണാണ് പുതുതായി അവതരിപ്പിച്ചിരിക്കുന്നത്. വൺപ്ലസ് നോർഡ് സിഇ 3 പോലെയുള്ള ജനപ്രിയ ഫോണുകളോട് മത്സരിക്കാനെത്തുന്ന ഹാൻഡ്സെറ്റ് കൂടിയാണ് ഐക്യു Z7 പ്രോ 5ജി. 25,000 രൂപയിൽ താഴെ വിലയുള്ള ഫോണുകളുടെ സെഗ്മെന്റിലാണ് ഈ ഹാൻഡ്സെറ്റ് ഇടം നേടിയിരിക്കുന്നത്. ഐക്യു Z7 പ്രോ 5ജിയെ കുറിച്ചുള്ള വില വിവരങ്ങളും ലഭ്യതയും അറിയാം.

ഗെയിമിംഗ് ഇഷ്ടപ്പെടുന്നവർക്ക് തിരഞ്ഞെടുക്കാവുന്ന മികച്ച സ്മാർട്ട്ഫോണാണ് ഐക്യു Z7 പ്രോ 5ജി. ആമസോൺ, ഐക്യു ഇ-സ്റ്റോർ എന്നിവ വഴിയാണ് ഹാൻഡ്സെറ്റ് വിൽപ്പനയ്ക്ക് എത്തുക. അതേസമയം, സെപ്റ്റംബർ 5 മുതൽ ഫ്ലിപ്കാർട്ടിലും വിൽപ്പനയ്ക്കായി എത്തുമെന്ന് കമ്പനി അറിയിച്ചിട്ടുണ്ട്. 8 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള മോഡലിന് 23,999 രൂപയാണ് വില. 8 ജിബി റാം പ്ലസ് 256 ജിബി ഇന്റേണൽ സ്റ്റോറേജ് ഉള്ള മോഡലിന്റെ വില 24,999 രൂപയാണ്. ലോഞ്ച് ഓഫറിന്‍റെ ഭാഗമായി 128 ജിബി വേരിയന്റ് 21,999 രൂപയ്ക്കും, 256 ജിബി വേരിയന്റ് 22,999 രൂപയ്ക്കും വാങ്ങാനാകും. പരിമിത കാലത്തേക്ക് മാത്രമാണ് ഈ ഓഫർ ലഭിക്കുകയുള്ളൂ. ബ്ലൂ ലഗൂൺ, ഗ്രാഫൈറ്റ് മാറ്റ് എന്നീ രണ്ട് കളർ ഓപ്ഷനുകളിലാണ് ഐക്യു Z7 പ്രോ 5ജി എത്തുക.

Also Read: ചന്ദ്രയാൻ-3 ദൗത്യത്തിന് പിന്നിലെ ശാസ്ത്രജ്ഞരുടെയും സാങ്കേതിക വിദഗ്ധരുടെയും ശമ്പളം എത്രയെന്ന് അറിയാമോ?