ന്യൂയോർക്ക്: ന്യൂയോർക്കിലെ ക്വീൻസ് സബ്‌വേയിൽ ട്രെയിൻ യാത്രയിൽ ഉറക്കം തൂങ്ങി തോളില്‍ വീണതിന് യാത്രക്കാരനെ സഹയാത്രികൻ ക്രൂരമായി മർദ്ദിച്ചു. ഉറക്കത്തിൽ തോളില്‍ വീണ യാത്രക്കാരനോട് വഴക്കിടുന്നതും സഹയാത്രികൻ പിന്നാലെ കൈമുട്ട് മടക്കി മുഖത്ത് ഇടിക്കുന്നതും ഇതിനെ തുടർന്ന് വേറെ ഒരു യാത്രികൻ വഴക്കിൽ ഇടപെടുന്നതുമാണ് പുറത്തുവന്ന വീഡിയോയിൽ ഉള്ളത്.
സംഭവത്തിന്റെ ദൃശ്യങ്ങൾ സമൂഹ മാധ്യമങ്ങളിൽ വൈറലായി. തടയാനെത്തുന്ന മറ്റൊരാൾ അക്രമിയുമായി സംഘട്ടനത്തിൽ ഏർപ്പെടുന്നതും വിഡിയോയിൽ കാണാം.
ഏറ്റുമുട്ടൽ വളരെ കുറച്ചു സമയമേ നീണ്ടുനിന്നൊള്ളൂവെന്നും മർദ്ദനമേറ്റയാള്‍ പരാതി നൽകിയിട്ടുണ്ടെന്നും പൊലീസ് വ്യക്തമാക്കി. മർദനമേറ്റയാള്‍ അൽപസമയത്തിനു ശേഷം ട്രെനിൽനിന്ന് ഇറങ്ങിപ്പോയെന്നും എന്നാൽ അക്രമി വീണ്ടും യാത്ര തുടർന്നതായും പൊലീസ് പറഞ്ഞു.
Post Your Comments