ലേ: ലഡാക്കിൽ വാഹനം കൊക്കയിലേക്ക് മറിഞ്ഞ് ഒമ്പത് സൈനികർ കൊല്ലപ്പെട്ടു. അപകടത്തിൽ ഒരാൾക്ക് പരിക്കേറ്റു. കരു ഗാരിസണിൽ നിന്ന് ലേയ്ക്ക് സമീപമുള്ള ക്യാരിയിലേക്ക് പോവുകയായിരുന്ന ട്രക്ക് കൊക്കയിലേക്ക് വീഴുകയായിരുന്നു. മരിച്ചവരിൽ എട്ട് സൈനികരും ഒരു ജൂനിയർ കമ്മീഷൻഡ് ഓഫീസറും ഉൾപ്പെടുന്നു. തെക്കൻ ലഡാക്കിലെ നിയോമയിലെ കെറേയിൽ ശനിയാഴ്‌ച വൈകുന്നേരം ആറരയോടെയാണ് അപകടം നടന്നത്. സ്ഥലത്ത് രക്ഷാപ്രവർത്തനം പുരോഗമിക്കുകയാണെന്ന് അധികൃതർ അറിയിച്ചു.
Post Your Comments