തിരുവനന്തപുരം: സംസ്ഥാനത്തെ ദേശീയപാതകളിലെ മേല്‍പ്പാലങ്ങളുടെ ചുവട്ടില്‍ വയോജന, ശിശു സൗഹൃദ പാര്‍ക്കുകള്‍ ഒരുക്കുമെന്ന് മന്ത്രി മുഹമ്മദ് റിയാസ്. അഞ്ചുവര്‍ഷത്തിനകം സംസ്ഥാനത്തെ 50 ശതമാനം റോഡുകളും ബി.എം ആന്റ് ബി.സി റോഡുകളാക്കി മാറ്റുമെന്നും മന്ത്രി പറഞ്ഞു.
മേല്‍പ്പാലങ്ങളുടെ അടിഭാഗങ്ങളെല്ലാം ഫലപ്രദമായി ഉപയോഗിക്കുകയാണ് ലക്ഷ്യം. ഈ ഭാഗങ്ങളില്‍ വയോജന, ശിശു സൗഹൃദ പാര്‍ക്കുകള്‍ നിര്‍മ്മിക്കുമെന്നും മന്ത്രി അറിയിച്ചു.
‘മലപ്പുറം ജില്ലയിലെ 2375 കിലോമീറ്റര്‍ റോഡുകള്‍ ബി.എം ആന്റ് ബി.സിയാക്കിക്കഴിഞ്ഞു.
എന്‍എച്ച് 66-ന്റെ നിര്‍മാണത്തിന് കേരളം അകമഴിഞ്ഞു പിന്തുണ നല്‍കുന്നുണ്ട്. ഇത് കേന്ദ്രമന്ത്രി നിതിന്‍ ഗഡ്കരി തന്നെ വ്യക്തമാക്കിക്കഴിഞ്ഞു. എന്നാല്‍ ഭൂമി ഏറ്റെടത്തതിനുള്ള സംസ്ഥാന സര്‍ക്കാരിന്റെ വിഹിതം നല്‍കിയില്ലെന്നായിരുന്നു ബിജെപി നേതാക്കളുടെ ആരോപണം. ഇതു പിന്‍വലിച്ച് മാപ്പുപറയണം’ മന്ത്രി ആവശ്യപ്പെട്ടു.
Post Your Comments