സ്ഥിരമായി ചായ കുടിക്കുന്നതിന്റെ പുതിയ ആരോഗ്യ ഗുണം വെളിപ്പെടുത്തി ചൈനയിൽ നിന്നുള്ള പഠനം. വർഷങ്ങളോളം സ്ഥിരമായി ചായ കുടിക്കുന്ന പുരുഷന്മാരിൽ ബീജത്തിന്റെ ഗുണനിലവാരവും അളവും കൂടുതലാണെന്ന് പഠനം കണ്ടെത്തി.
ചായ ഉപഭോഗത്തിന്റെ കാര്യത്തിൽ ലോകത്തിലെ മുൻനിര രാജ്യങ്ങളിലൊന്നാണ് ചൈന. ഏറ്റവും കൂടുതൽ തേയില ഉത്പാദിപ്പിക്കുന്നതും ചൈനയാണ്. അതുകൊണ്ടാണ് അങ്ങനെയൊരു പഠനം അവിടെ നടന്നത്. ചായ, മദ്യപാനം, പുകവലി എന്നിവ ബീജങ്ങളുടെ എണ്ണത്തിൽ ഉണ്ടാകുന്ന പ്രത്യാഘാതങ്ങളെക്കുറിച്ചാണ് ഗവേഷകർ പഠനം നടത്തിയത്. ചായ ബീജത്തിന്റെ ആരോഗ്യത്തെ ബാധിക്കുമെന്ന് ഗവേഷകർ കണ്ടെത്തി.
പഠനത്തിൽ പങ്കെടുത്തവരിൽ 50% ത്തിലധികം പേരും സ്ഥിരമായി ചായ കുടിക്കുന്നവരും പുകവലിക്കുന്നവരുമായിരുന്നു. പ്രത്യുൽപാദന വ്യവസ്ഥ ഉൾപ്പെടെയുള്ള മൊത്തത്തിലുള്ള ആരോഗ്യത്തിന് ഹാനികരമായ ഒരു ശീലമാണ് പുകവലിയെന്ന് നമുക്കറിയാം. എന്നിട്ടും ഇത്തരമൊരു ഫലം എങ്ങനെ കൈവരിക്കാനാകുമെന്ന് ഗവേഷകർ ഇപ്പോഴും ആശ്ചര്യപ്പെടുന്നു. എന്നിരുന്നാലും, പഠനത്തിന്റെ ആധികാരികത സംബന്ധിച്ച് മറ്റ് വിവരങ്ങളൊന്നും ലഭ്യമല്ല.
ക്യാൻസർ ഉൾപ്പെടെയുള്ള പല രോഗങ്ങളെയും ചെറുക്കുന്നതിനും ആരോഗ്യം മെച്ചപ്പെടുത്തുന്നതിനും ചായയുടെ ഗുണങ്ങളെക്കുറിച്ച് നിരവധി പഠനങ്ങൾ മുമ്പ് നടന്നിട്ടുണ്ട്. ചായയിൽ അടങ്ങിയിരിക്കുന്ന പോളിഫിനോൾ, ആന്റിഓക്‌സിഡന്റുകൾ, അമിനോ ആസിഡുകൾ, പ്രോട്ടീൻ എന്നിവയാണ് ഇതിന് സഹായിക്കുന്നത്.
Post Your Comments