തിരുവനന്തപുരം: പോസ്റ്റിൽ ഇടിച്ച് അപകടത്തിൽപ്പെട്ട ഇന്നോവ കാറിൽ നിന്ന് കണ്ടെത്തിയത് സിന്തറ്റിക് ലഹരിമരുന്നും കഞ്ചാവും. ദേശീയപാതയിൽ ആറ്റിങ്ങൽ ആലംകോട് പുളിമൂട് ജംഗ്ഷന് സമീപം ആണ് അപകടം നടന്നത്. നിയന്ത്രണംവിട്ട കാർ ഇലക്ട്രിക്ക് പോസ്റ്റിൽ ഇടിക്കുകയായിരുന്നു.
നാട്ടുകാർ വിവരം അറിയിച്ചത് അനുസരിച്ച് ഉടൻ ആറ്റിങ്ങൽ പൊലീസ് സ്ഥലത്തെത്തി. വാഹനം ഓടിച്ചിരുന്ന വ്യക്തിയുടെ പെരുമാറ്റത്തിൽ സംശയം തോന്നിയ പൊലീസ് സംഘം നടത്തിയ പരിശോധനയിലാണ് ഇയാളിൽ നിന്ന് എംഡിഎംഎയും കഞ്ചാവും കണ്ടെത്തിയത്.
തുടർന്ന് വാഹനം ഓടിച്ചിരുന്ന പാലക്കാട് ജില്ലയിലെ കോങ്ങാട് കരിമ്പ എടക്കുറിശ്ശി കപ്പടം തുണ്ടത്തിൽ വീട്ടിൽ ഫ്രാൻസിസ് (27)നെ ആറ്റിങ്ങൽ പൊലീസ് അറസ്റ്റ് ചെയ്തു. ആറ്റിങ്ങൽ ഇൻസ്പെക്ടർ തൻസീം അബ്ദുൽ സമദ്, എസ്ഐ മനു, സിവിൽ പൊലീസ് ഓഫീസർമാരായ ഷിനു, സെയ്ദലി ഖാൻ എന്നിവർ അടങ്ങിയ സംഘമാണ് പ്രതിയെ പിടികൂടിയത്.
Post Your Comments