ഐക്യു ആരാധകർക്ക് സന്തോഷവാർത്ത! ഐക്യു Z7 പ്രോ 5ജി ഉടൻ വിപണിയിൽ അവതരിപ്പിക്കും

ഐക്യു ആരാധകരുടെ ഇഷ്ട ലിസ്റ്റിലേക്ക് ഇടം പിടിക്കാൻ പുതിയൊരു 5ജി ഹാൻഡ്സെറ്റ് കൂടി വിപണിയിൽ എത്തുന്നു. ഉപഭോക്താക്കൾ ആകാംക്ഷയോടെ കാത്തിരിക്കുന്ന ഐക്യു Z7 പ്രോ 5ജി സ്മാർട്ട്ഫോൺ വിപണിയിൽ അവതരിപ്പിക്കാനുള്ള തയ്യാറെടുപ്പിലാണ് ഐക്യു. ഐക്യു നിയോ 7 പ്രോ, ഐക്യു ഐക്യു Z7 എന്നീ ഹാൻഡ്സെറ്റുകൾക്ക് പിന്നാലെയാണ് ഐക്യു Z7 പ്രോ 5ജിയും എത്തുന്നത്. നിലവിൽ, ഈ സ്മാർട്ട്ഫോണിന്റെ ഔദ്യോഗിക ലോഞ്ച് തീയതി സംബന്ധിച്ച വിവരങ്ങൾ കമ്പനി പുറത്തുവിട്ടിട്ടില്ല. എങ്കിലും, അധികം വൈകാതെ തന്നെ എത്തുമെന്നാണ് സൂചന.

6.38 ഇഞ്ച് ഫുൾ എച്ച്ഡി പ്ലസ് അമോലെഡ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 90 ഹെർട്സ് വരെ റിഫ്രഷ് റേറ്റും, 360 ഹെർട്സ് ടച്ച് സാമ്പിൾ റേറ്റും ലഭ്യമാണ്. ഷോട്ട് സെൻസേഷൻ ഗ്ലാസ് ഉപയോഗിച്ചാണ് ഡിസ്പ്ലേയുടെ സുരക്ഷ ഉറപ്പുവരുത്തിയിട്ടുള്ളത്. 64 മെഗാപിക്സൽ പ്രൈമറി ക്യാമറയാണ് പിന്നിൽ സജ്ജീകരിച്ചിട്ടുള്ളത്. സെൽഫികൾക്കായി 16 മെഗാപിക്സിൽ മുൻ ക്യാമറ ലഭ്യമാണ്. 44W ഫാസ്റ്റ് ചാർജിംഗ് ഉളള 5,000 എംഎഎച്ച് ബാറ്ററി പിന്തുണയോടെയാണ് സ്മാർട്ട്ഫോൺ എത്തുന്നത്. കൃത്യമായ വില വിവരങ്ങൾ ലഭ്യമല്ലെങ്കിലും, 25000 രൂപ വരെ പ്രതീക്ഷിക്കാവുന്നതാണ്.

Also Read: കത്തിക്കയറി തക്കാളി വില! സബ്‌വേ ഇന്ത്യ ഔട്ട്‌ലെറ്റുകളിലെ മെനുവിൽ നിന്നും തക്കാളി പുറത്ത്