കൊച്ചി: പോപ്പുലര്‍ ഫ്രണ്ട് നേതാവും എറണാകുളം സ്വദേശിയുമായ ടി എ അയൂബിനെ പിടികിട്ടാപ്പുള്ളിയായി പ്രഖ്യാപിച്ച് ദേശീയ അന്വേഷണ ഏജൻസി. നിരോധിത സംഘടനയായ പോപ്പുലര്‍ ഫ്രണ്ടിന്റെ സായുധ വിഭാഗം നേതാവാണ് അയൂബെന്നും ഇയാളെക്കുറിച്ച്‌ വിവരം നല്‍കുന്നവര്‍ക്ക് മൂന്ന് ലക്ഷം രൂപ പാരിതോഷികം നല്‍കുമെന്നും എൻഐഎ അറിയിച്ചു.
യുവാക്കളെ ലഷ്‌കര്‍-ഇ-ത്വയ്ബ, ഇസ്ലാമിക് സ്‌റ്റേറ്റ്, അല്‍ഖ്വയ്ദ ഉള്‍പ്പെടെയുള്ള തീവ്രവാദ സംഘടനകളില്‍ ചേരാന്‍ ഇയാൾ പ്രോത്സാഹിപ്പിച്ചതായി എൻഐഎ റിപ്പോര്‍ട്ടുണ്ട്. കേരളത്തിലെ പിഎഫ്‌ഐയുടെ പ്രവര്‍ത്തനങ്ങളുമായി ബന്ധപ്പെട്ട് നടക്കുന്ന അന്വേഷണത്തിന്റെ ഭാഗമായാണ് അയ്യൂബിനെ എൻഐഎ തിരഞ്ഞുക്കൊണ്ടിരിക്കുന്നത്.
Post Your Comments