ഓപ്പോ റെനോ 10 സീരീസ് ഈ മാസം വിപണിയിൽ എത്തിയേക്കും, കൂടുതൽ വിവരങ്ങൾ അറിയാം

സ്മാർട്ട്ഫോൺ പ്രേമികളുടെ ഇഷ്ട ബ്രാൻഡുകളിൽ ഒന്നായ ഓപ്പോയുടെ റെനോ 10 സീരീസ് സ്മാർട്ട്ഫോൺ ഈ മാസം വിപണിയിൽ എത്തിയേക്കും. മെയ് മാസം ചൈനയിൽ പുറത്തിറക്കിയ സീരീസുകളാണ് ഈ മാസം ഇന്ത്യയിൽ എത്തുന്നത്. ജൂലൈ രണ്ടാം വാരത്തോടെ ഇവ ഇന്ത്യൻ വിപണി കീഴടക്കാൻ എത്തുമെന്നാണ് സൂചന. ഓപ്പോ റെനോ 10 സീരീസിൽ 3 ഹാൻഡ്സെറ്റുകളാണ് ഉള്ളത്.

ഓപ്പോ റെനോ 10, ഓപ്പോ റെനോ 10 പ്രോ, ഓപ്പോ റെനോ 10 പ്രോ പ്ലസ് എന്നിങ്ങനെ 3 ഹാൻഡ്സെറ്റുകളാണ് ഇന്ത്യൻ വിപണിയിൽ അവതരിപ്പിക്കുക. ഈ സീരീസിലെ ഏറ്റവും വില കുറഞ്ഞ മോഡലായ ഓപ്പോ റെനോ 10-ന് 30,000 രൂപ വരെ പ്രതീക്ഷിക്കാവുന്നതാണ്. അതേസമയം, കൃത്യമായ വില വിവരങ്ങൾ കമ്പനി ഇതുവരെ പുറത്തുവിട്ടിട്ടില്ല. ഓപ്പോയുടെ ഔദ്യോഗിക വെബ്സൈറ്റ്, ഫ്ലിപ്കാർട്ട് എന്നിങ്ങനെ രണ്ട് പ്ലാറ്റ്ഫോമുകൾ മുഖാന്തരമാണ് ഈ ഹാൻഡ്സെറ്റുകൾ വിപണിയിൽ എത്താൻ സാധ്യത. ഓപ്പോ റെനോ സീരീസിലെ ഓരോ സ്മാർട്ട്ഫോണുകൾക്കും ആകർഷകമായ ഫീച്ചറുകൾ പ്രതീക്ഷിക്കാവുന്നതാണ്.

Also Read: മഴക്കാല രോഗങ്ങളില്‍ നിന്ന് കുട്ടികളെ സംരക്ഷിക്കാന്‍ ഇക്കാര്യങ്ങള്‍ അറിഞ്ഞിരിക്കാം