അദ്ദേഹം ആരോഗ്യത്തോടെയും സന്തോഷത്തോടെയും ജീവിക്കുന്നു: ടിഎസ് രാജുവിന്റെ മരണവാർത്ത വ്യാജമെന്ന് ആത്മ

ചലച്ചിത്ര, സീരിയൽ നടൻ ടി.എസ്. രാജു അന്തരിച്ചെന്ന വാർത്തയിൽ വിശദീകരണവുമായി നടനും നിർമാതാവുമായ ദിനേശ് പണിക്കർ. സീരിയൽ താരങ്ങളുടെ സംഘടനയായ ‘ആത്മ’ ഭാരവാഹി കിഷോർ സത്യ അദ്ദേഹവുമായി സംസാരിച്ചെന്നും അദ്ദേഹം ആരോഗ്യത്തോടെയും സന്തോഷത്തോടെയും ഇരിക്കുന്നു എന്നും ദിനേശ് പണിക്കർ അറിയിച്ചു.

ചലച്ചിത്ര നടൻ അജു വർഗീസ് ഉൾപ്പെടെ അനുശോചനം അർപ്പിച്ച് പോസ്റ്റ് ചെയ്തിരുന്നു. അക്കാര്യം മറ്റാരോ പ്രചരിപ്പിച്ച വ്യാജ വാർത്തയാണെന്ന് ദിനേശ് പണിക്കർ അറിയിച്ചു. അതേസമയം അദ്ദേഹത്തിൻറെ മരണ വാർത്ത സിനിമാ ലോകം ഞെട്ടലോടെയായിരുന്നു കേട്ടത്.

വില്ലൻ വേഷങ്ങളിലൂടെ സിനിമയിലും സീരിയലിലും നിറയുന്ന നടനാണ് ടി.എസ്. രാജു. ജോക്കറിലെ സർക്കസ് കമ്പനി നടത്തിപ്പുകാരന്റെ വേഷം ഏറെ ശ്രദ്ധിക്കപ്പെട്ടു.