സംസ്ഥാന എൻജിനീയറിംഗ് പ്രവേശന പരീക്ഷ: റാങ്ക് ലിസ്റ്റ് നാളെ പ്രസിദ്ധീകരിക്കും

ഈ വർഷത്തെ സംസ്ഥാന എൻജിനീയറിംഗ് പ്രവേശന പരീക്ഷയുടെ റാങ്ക് ലിസ്റ്റ് നാളെ പ്രസിദ്ധീകരിക്കും. ഉന്നത വിദ്യാഭ്യാസ- സാമൂഹ്യനീതി വകുപ്പ് മന്ത്രി ഡോ.ബിന്ദുവാണ് ഇത് സംബന്ധിച്ച വിവരങ്ങൾ പങ്കുവെച്ചത്. നാളെ വൈകിട്ട് 3 മണിക്ക് നടക്കുന്ന വാർത്താ സമ്മേളനത്തിൽ മന്ത്രി റാങ്ക് ലിസ്റ്റ് പ്രഖ്യാപിക്കുന്നതാണ്. യോഗ്യതാ പരീക്ഷയുടെ മാർക്കുകൾ കൂടി സമീകരിച്ചിട്ടുള്ള എൻജിനീയറിംഗ് റാങ്ക് ലിസ്റ്റാണ് നാളെ പ്രസിദ്ധീകരിക്കുകയെന്ന് മന്ത്രി അറിയിച്ചിട്ടുണ്ട്.

2023-24 അധ്യായന വർഷത്തെ സംസ്ഥാന എൻജിനീയറിംഗ് കോഴ്സുകളിലേക്കുള്ള പ്രവേശന പരീക്ഷ 2023 മെയ് 17- നാണ് വിവിധ കേന്ദ്രങ്ങളിലായി നടന്നത്. പരീക്ഷയ്ക്ക് ശേഷം ഉടൻ തന്നെ മൂല്യനിർണയം പൂർത്തിയാക്കിയിരുന്നു. തുടർന്ന് മെയ് 31നാണ് പ്രവേശന പരീക്ഷയുടെ സ്കോർ പ്രസിദ്ധീകരിച്ചത്. റാങ്ക് ലിസ്റ്റുകൾ പ്രസിദ്ധീകരിച്ച ശേഷം കോളേജുകളിലേക്കുള്ള പ്രവേശന നടപടികൾ ഘട്ടം ഘട്ടമായി ആരംഭിക്കുന്നതാണ്.

Also Read: ചര്‍മ്മ സംരക്ഷണത്തിന് ഈ ഭക്ഷണങ്ങള്‍ കഴിക്കാം