ചെന്നൈ: ഫെഫ്ക്ക പ്രൊഡക്ഷൻ എക്സിക്യൂട്ടീവ് മെമ്പർ കാർത്തിക് ചെന്നൈ അന്തരിച്ചു. വർഷങ്ങളായി ചെന്നൈയിൽ ചിത്രീകരിക്കുന്ന സിനിമകളുടെ മാനേജരായിരുന്നു അദ്ദേഹം. ഇന്നലെ കൂടി തന്റെ ജോലിയിൽ കർമനിരതനായിരുന്നു കാർത്തിക്. ഇന്നലെ രാത്രിയും ചെന്നൈയിൽ ചിത്രീകരണം നടന്നുകൊണ്ടിരിക്കുന്ന മോഹൻലാൽ-ലിജോ ജോസ് പെല്ലിശ്ശേരി ചിത്രം ‘മല്ലൈകോട്ടെ വാലിബന്റെ’ ലൊക്കേഷനിൽ അദ്ദേഹം ഉണ്ടായിരുന്നു. തന്റെ ജോലികൾ കഴിഞ്ഞ ശേഷം വീട്ടിലേക്ക് മടങ്ങിയതായിരുന്നു കാർത്തിക്. സഹപ്രവർത്തകർക്കെല്ലാം എന്നും വളരെ ഉപകാരിയായിരുന്ന കാർത്തിക്കിന്റെ വിയോഗം സിനിമ മേഖലയിൽ ഒരു തീരാ നഷ്ടം തന്നെയാണ്.
Post Your Comments