തിരുവനന്തപുരം: കേന്ദ്ര വനിതാ ശിശു വികസന വകുപ്പ് മന്ത്രി സ്മൃതി ഇറാനി തിങ്കളാഴ്ച്ച കേരളത്തിലെത്തും. കൊട്ടാരക്കര താലൂക്ക് ആശുപത്രിയിൽ ഡ്യൂട്ടിക്കിടെ കൊല്ലപ്പെട്ട യുവ ഡോക്ടർ വന്ദനാ ദാസിന്റെ മാതാപിതാക്കളെ കേന്ദ്രമന്ത്രി സന്ദർശിക്കും.
Read Also: കൂത്തുപറമ്പിൽ വൻ മയക്കുമരുന്ന് വേട്ട: ഓൺലൈനിൽ നിന്നും വരുത്തിച്ച മയക്കുമരുന്നുമായി യുവാവ് പിടിയിൽ
ബിഎംഎസിന്റെ വനിതാ തൊഴിലാളി സംഗമത്തിലും സ്മൃതി ഇറാനി പങ്കെടുക്കും. കവടിയാർ ഉദയ്പാലസ് കൺവൻഷൻ സെന്ററിൽ വെച്ചാണ് സംസ്ഥാന വനിതാ തൊഴിലാളി സംഗമം നടക്കുന്നത്. സ്മൃതി ഇറാനിയാണ് പരിപാടി ഉദ്ഘാടനം ചെയ്യുന്നത്. ജി20 ഉച്ചകോടിയുടെ ഭാഗമായാണ് പരിപാടി നടത്തുന്നത്.
പരിപാടിയിൽ കേന്ദ്രമന്ത്രി വി മുരളീധരൻ മുഖ്യ പ്രഭാഷണം നടത്തും. സമ്മേളനത്തിൽ മുഖ്യാതിഥിയായി ബിഎംഎസ് അഖിലേന്ത്യ സംഘടനാ സെക്രട്ടറി ബി സുരേന്ദ്ര, അഖിലേന്ത്യ സെക്രട്ടറിമാരായ അഞ്ജലി പട്ടേൽ, വി രാധാകൃഷ്ണൻ എന്നിവരും പങ്കെടുക്കും.
Post Your Comments