രാജ്യത്ത് ഇലക്ട്രോണിക്സ് കയറ്റുമതിയിൽ വൻ മുന്നേറ്റം, ഏപ്രിലിൽ കയറ്റുമതി ചെയ്തത് കോടികളുടെ ഉൽപ്പന്നങ്ങൾ

രാജ്യത്ത് ഇലക്ട്രോണിക്സ് ഉൽപ്പന്നങ്ങളുടെ കയറ്റുമതി കുത്തനെ ഉയർന്നു. കേന്ദ്ര വാണിജ്യ മന്ത്രാലയം പുറത്തുവിട്ട ഏറ്റവും പുതിയ കണക്കുകൾ പ്രകാരം, ഏപ്രിലിൽ ഇന്ത്യയുടെ ഇലക്ട്രോണിക്സ് ഉൽപ്പന്നങ്ങളുടെ കയറ്റുമതി 26 ശതമാനം വർദ്ധനവോടെ 2.11 ബില്യൺ ഡോളറായാണ് ഉയർന്നത്. ഇത്തവണ രാജ്യത്ത് നിന്നും ഏറ്റവും കൂടുതൽ കയറ്റുമതി ചെയ്ത ഉൽപ്പന്നം മൊബൈൽ ഫോണാണ്. 1.08 ബില്യൺ ഡോളറിന്റെ മൊബൈൽ ഫോൺ കയറ്റുമതിയാണ് ഏപ്രിലിൽ നടന്നിട്ടുള്ളത്. 2026 ഓടെ രാജ്യത്തെ ഇലക്ട്രോണിക്സ് ഉൽപ്പാദനം 300 ബില്യൺ ഡോളറാകുമെന്നാണ് കേന്ദ്രത്തിന്റെ വിലയിരുത്തൽ.

ഇലക്ട്രോണിക്സ് മേഖല മെയ്ക്ക് ഇൻ ഇന്ത്യ പദ്ധതികളിൽ ശ്രദ്ധ കേന്ദ്രീകരിച്ചതാണ് വളർച്ചയുടെ പ്രധാന കാരണം. അതേസമയം, പ്രൊഡക്ഷൻ- ലിങ്ക്ഡ് ഇൻസെന്റീവ് പദ്ധതിയുടെ ആനുകൂല്യങ്ങൾ ഇലക്ട്രോണിക്സ് മേഖലയുടെ കയറ്റുമതിയിൽ പ്രധാന പങ്കുവഹിച്ചിട്ടുണ്ട്. ഇത്തവണ മൊബൈൽ ഫോൺ കയറ്റുമതിയിൽ ആപ്പിളാണ് ഒന്നാം സ്ഥാനത്ത് എത്തിയത്. ആപ്പിളിന്റെ മൂന്ന് കരാർ നിർമ്മാതാക്കളായ ഫോക്സ്കോണ്‍, വിസ്ട്രോൺ, പെഗാട്രോൺ എന്നിവയുടെ കയറ്റുമതി ഏപ്രിലിൽ 400 ശതമാനം വർദ്ധനവോടെ 750 മില്യൺ ഡോളറിൽ എത്തിയിട്ടുണ്ട്.

Also Read: റോഡ് ക്യാമറ: കെൽട്രോൺ കരാർ നൽകിയത് സുതാര്യമായെന്ന് വ്യവസായ മന്ത്രി