ലോക്‌സഭാ തെരഞ്ഞെടുപ്പ്: കോൺഗ്രസ് വിജയിക്കുമെന്ന് പി കെ കുഞ്ഞാലിക്കുട്ടി

തിരുവനന്തപുരം: കോൺഗ്രസിനും രാഹുൽ ഗാന്ധിയ്ക്കും അഭിനന്ദനം അറിയിച്ച് മുസ്ലിം ലീഗ് നേതാവ് പി കെ കുഞ്ഞാലിക്കുട്ടി. കർണാടകയിലെ തെരഞ്ഞെടുപ്പ് വിജയത്തിന്റെ പശ്ചാത്തലത്തിലാണ് അദ്ദേഹം കോൺഗ്രസിനും രാഹുൽ ഗാന്ധിയ്ക്കും അഭിനന്ദനം അറിയിച്ചത്.

Read Also: ഏറ്റവും ചെറിയ ഇലക്ട്രിക് കാർ! വിപണി കീഴടക്കാൻ ‘മോറിസ് ഗരാജസ് കോമറ്റ്’ ഇന്ത്യൻ വിപണിയിലെത്തി

കോൺഗ്രസിനെയും, രാഹുൽ ഗാന്ധിയെയും അഭിനന്ദിക്കുകയാണെന്നും ഈ വഴി മുന്നേറിയാൽ വരുന്ന ലോക്‌സഭാ തെരഞ്ഞെടുപ്പ് വിജയിക്കാൻ കഴിയുമെന്നും അദ്ദേഹം പറഞ്ഞു. ഇന്ത്യൻ യൂണിയൻ മുസ്ലിംലീഗ് ദേശീയ ഉപദേശകസമിതി യോഗത്തിന് ശേഷം മാധ്യമപ്രവർത്തകരോട് സംസാരിക്കവെയായിരുന്നു അദ്ദേഹം ഇക്കാര്യം അറിയിച്ചത്.

ഖാഇദെ മില്ലത്ത് മുഹമ്മദ് ഇസ്മയിലിന്റെ സ്മാരകമായി ഡൽഹിയിൽ ”ഖാഇദെ മില്ലത്ത് സെന്റർ’ നിർമ്മിക്കുമെന്നും അതിനായി ഫണ്ട് പിരിവ് ഉടൻ ആരംഭിക്കുമെന്നും അദ്ദേഹം അറിയിച്ചു. വരുന്ന നവംബറിൽ പ്ലാറ്റിനം ജൂബിലിയോട് അനുബന്ധിച്ചു കെട്ടിടം ഉദ്ഘാടനം ചെയ്യുമെന്നും തമിഴ്‌നാട്, കർണാടക മുഖ്യമന്ത്രിമാർ ചടങ്ങിൽ പങ്കെടുക്കുമെന്നും അദ്ദേഹം കൂട്ടിച്ചേർത്തു.

Read Also: ക്ലിഫ് ഹൗസിലെ നീന്തല്‍ക്കുളത്തിന് വീണ്ടും പണം അനുവദിച്ച് ടൂറിസം വകുപ്പ്: നവീകരണ ചുമതല ഊരാളുങ്കലിന്