കൊല്ലം: ശാസ്താംകോട്ടയിൽ ചാരായ വേട്ട ഒരാളെ എക്‌സൈസ് അറസ്റ്റ് ചെയ്തു. കുന്നത്തൂർ ശൂരനാട് വടക്ക് സ്വദേശി സജീവ് ( തമ്പി ) ആണ് അറസ്റ്റിൽ ആയത്. രാത്രി കാലങ്ങളിൽ പാടശേഖരങ്ങളിലെ ഓരത്തും കുറ്റിക്കാടുകളിലും ഇയാൾ ചാരായം വാറ്റുന്നതായി ശാസ്താംകോട്ട റേഞ്ച് ഇൻസ്‌പെക്ടർ അജയകമാറിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ ആയിരുന്നു റെയിഡ്. 20 ലിറ്റർ ചാരായവും 140 ലിറ്റർ കോടയും കസ്റ്റഡിയിലെടുത്തു.
Read Also: കേരള സ്റ്റോറി പോലീസ് സംരക്ഷണത്തോടെ പ്രദര്‍ശിപ്പിക്കേണ്ടിവരുന്നത് ഗതികേടെന്ന് വി മുരളീധരൻ
കഴിഞ്ഞ ഒരാഴ്ചക്കാലമായി പ്രതിയും പ്രതിയുടെ വീടും എക്‌സൈസ് ഷാഡോ ടീമിന്റെ നിരീക്ഷണത്തിലായിരുന്നു. പോസ്റ്ററുകൾ ഒട്ടിക്കുവാൻ പോകുന്നവരുടെ വേഷത്തിൽ ഓഫീസർമാർ കൃത്യസ്ഥലത്ത് എത്തുകയും പ്രതിക്ക് സംശയം തോന്നാത്ത വിധത്തിൽ വീട് വളയുകയും ചെയ്താണ് അറസ്റ്റ് നടത്തിയത്.റെയ്ഡിൽ പ്രിവന്റീവ് ഓഫീസർ ബി ഉണ്ണികൃഷ്ണപിള്ള, സിഇഒ ആശ്വന്ത്, അജയൻ, പ്രസാദ്, സുധീഷ്, നിഷാദ് എന്നിവർ പങ്കെടുത്തു.
Post Your Comments