കൊച്ചി: പുരോഗമന സമൂഹമെന്ന് പറയുമ്പോഴും മലയാളികളുടെ സദാചാര ചിന്തകൾക്ക് ഒരു തരത്തിലും പുരോഗമനം ഉണ്ടായിട്ടില്ലെന്ന് തെളിയിക്കുന്ന മറ്റൊരു സംഭവം കൂടി. ബംഗളൂർ സ്വദേശിയായ എഴുത്തുകാരി കരിഷ്മയുടെ അനുഭവക്കുറിപ്പിൽ മലയാളികളുടെ പഴകിയ സദാചാര ചിന്തകൾ വ്യക്തമാകുന്നു. തന്റെ മാതാപിതാക്കൾക്കൊപ്പം കേരളത്തിൽ രണ്ട് ദിവസം വന്ന് താമസിച്ചപ്പോഴുണ്ടായ അനുഭവമാണ് കരിഷ്മ ഫേസ്‌ബുക്കിൽ പങ്കുവെച്ചിരിക്കുന്നത്. ഭർത്താവ് കൂടെയില്ലാത്ത, വിവാഹമോചിതരായ സ്ത്രീകൾ കേരളത്തിൽ നേരിടേണ്ടി വരുന്ന ചോദ്യങ്ങളെ കുറിച്ചാണ് കരിഷ്മയുടെ ഫേസ്‌ബുക്ക് പോസ്റ്റ്.
എന്തുകൊണ്ടാണ് സ്ത്രീകൾക്ക് ഉറച്ച നിലപാടെടുക്കാൻ കഴിയാത്തതെന്ന് കരിഷ്മ ചോദിക്കുന്നു. എന്തുകൊണ്ടാണ് ദൃഢനിശ്ചയത്തോടെ ഒരു തീരുമാനം എടുക്കുന്നവരെ, മര്യാദയുള്ളവരായിരിക്കുന്നതിന്റെ അല്ലെങ്കിൽ ‘നന്നായി വളർത്തപ്പെട്ട’ സ്ത്രീകൾക്ക് വിപരീതമായി കണക്കാക്കുന്നതെന്നും കരിഷ്മ ചോദിക്കുന്നു. ഉത്തരം അറിഞ്ഞിട്ടും മറ്റുള്ളവരുടെ വികാരങ്ങളെ വ്രണപ്പെടുത്തുന്ന തരത്തിൽ ഇപ്പോഴും ചോദ്യങ്ങൾ തുടരുകയാണെന്നും ഇവർ പറയുന്നു.
കരിഷ്മയുടെ ഫേസ്‌ബുക്ക് പോസ്റ്റ് ഇങ്ങനെ:
എട്ട് വർഷമായി ബംഗളൂരുവിൽ താമസിച്ചിട്ട് നേരിടാത്ത ചോദ്യങ്ങൾ വെറും രണ്ട് ദിവസം കൊണ്ട് ഇങ്ങ് കേരളത്തിൽ എന്റെ മാതാപിതാക്കളുടെ കൂടെ താമസിച്ചപ്പോൾ ഞാൻ നേരിട്ടു. ‘നിന്റെ ഭർത്താവ് എവിടെ?, അദ്ദേഹം എപ്പോഴാണ് വരുന്നത്? നിങ്ങളുടെ ഭർത്താവ് എന്ത് ചെയ്യുന്നു?’ ഇങ്ങനെ പോകുന്നു ചോദ്യങ്ങൾ. ഇത്തരം ചോദ്യങ്ങളൊന്നും ബംഗളൂരുവിൽ വെച്ച് എന്നോടാരും ചോദിച്ചിട്ടില്ല. എന്റെ അപ്പാർട്ട്മെന്റ് കെട്ടിടത്തിൽ നിന്നോ ഞാൻ പോകുന്ന ഇടങ്ങളിൽ നിന്നോ ഇത്തരം ചോദ്യങ്ങൾ എനിക്ക് നേരിടേണ്ടി വന്നിട്ടില്ല.
കഴിഞ്ഞ ഒരു വർഷമായി ഭർത്താവില്ലാതെയാണ് ഞാൻ എന്റെ മാതാപിതാക്കളെ കാണാൻ അവരുടെ വീട്ടിൽ എത്തുന്നത്. അമ്മയുടെ പുതിയ അയൽക്കാർ ആണെന്ന് ഞാൻ കരുതി. എന്നെ അധികം കണ്ടിട്ടില്ലാത്തവരായതുകൊണ്ട് അവർക്ക് ഇക്കാര്യങ്ങളൊന്നും അറിയില്ലെന്നാണ് ഞാൻ കരുതിയത്. അമ്മയുടെ അയൽക്കാരിയായ സ്ത്രീ എന്നോട് ഇത് ചോദിച്ച രീതിയും സ്വരവും വ്യത്യസ്തമാണ്. അമ്മ അടുത്തില്ലാത്തപ്പോഴായിരുന്നു അവരുടെ ചോദ്യം. അവരുടെ ചോദ്യത്തിൽ തന്നെ എനിക്ക് വ്യക്തമായി, എനിക്ക് ഭർത്താവില്ലെന്ന കാര്യം അവർക്ക് അറിയാമെന്ന്. എന്നിട്ടും വൃത്തികെട്ട മനോഗതിയോട് കൂടി വിശദമായി അവർക്ക് കാര്യങ്ങൾ അറിയണം. ഉടൻ തന്നെ ഞാൻ പറഞ്ഞു ‘ഞാൻ വിവാഹമോചിതയാണ്, ആന്റി’.
അവരുടെ മുഖം പെട്ടെന്ന് സഹതാപത്തിന്റെയും ദയയുടെയും ഒരു ഭാവത്തിലേക്ക് മാറി. അതോടെ എന്തുകൊണ്ടാണ് ചോദിക്കുന്നവരോടൊക്കെ ‘അവളുടെ ഭർത്താവ് തിരക്കിലാണ്’ എന്ന മറുപടി അമ്മ നൽകുന്നതെന്ന് എനിക്ക് മനസിലായി. അവർ എന്നോട് ചോദിച്ചു, ‘അയ്യോ മോളേ, എന്താണു പ്രശ്നം, എന്ത് സംഭവിച്ചു?’.
ഞാൻ മൂന്ന് വർഷം മുമ്പ് വിവാഹമോചനം നേടിയെന്ന് ഞാൻ അവരോട് പറഞ്ഞു. ഞാൻ വിവാഹം കഴിഞ്ഞ് അയാൾക്കൊപ്പം ഉണ്ടായിരുന്നതിനേക്കാൾ സന്തോഷവതിയാണ് ഇപ്പോൾ. അതിന്റെ കാരണങ്ങളെ കുറിച്ച് സംസാരിക്കാൻ എനിക്ക് താൽപ്പര്യം ഇല്ല. അതിനാൽ ദയവായി എന്നോട് ഇത് ചോദിക്കരുത് പിന്നെ എന്റെ അമ്മയോടും ചോദിക്കരുത്. എനിക്ക് ഇപ്പോൾ എന്റെ ജോലിയിലേക്ക് മടങ്ങണം, പോകണം, ബൈ.
ഒരു ചെറിയ ഞെട്ടലോടെ അവൾ ഓകെ പറഞ്ഞു തിരിച്ചു പോയി.
ഞാൻ പിന്നീട് മമ്മിയോട് ചോദിച്ചു, എല്ലാ ദിവസവും മമ്മിയെ സന്ദർശിക്കാറുണ്ടെങ്കിലും ഈ സ്ത്രീക്ക് ഞാൻ വിവാഹമോചിതയാണെന്ന് അറിയാത്തത് എന്തുകൊണ്ടാണെന്ന്? ഡിവോഴ്‌സ് ആണെന്ന് പറയാൻ മമ്മിക്ക് ഇപ്പോഴും നാണമാണോ? ഞാൻ വിവാഹമോചനം നേടിയെന്ന് എല്ലാവരോടും പറഞ്ഞാൽ, ‘എന്താണ് സംഭവിച്ചത്’ എന്നറിയാൻ അവർ ആഗ്രഹിച്ചുകൊണ്ടിരിക്കും, അതിനാൽ കൂടുതൽ കൂടുതൽ ചോദിക്കാൻ ആഗ്രഹിക്കാത്തതിനാൽ എന്റെ ഭർത്താവ് ‘തിരക്കിലാണ്; എന്ന് മമ്മി പറയുന്നു.
ചോദ്യങ്ങൾ!!!! ഞാൻ പറഞ്ഞത് സത്യമാണ്. എന്നാൽ നിങ്ങളുടെ അതിരുകൾ പ്രസ്താവിക്കുക എന്നതാണ് ഗോസിപ്പുകൾക്ക് വിരാമമിടാനുള്ള ഏക മാർഗം. അത്തരം ആളുകൾക്ക് ഒറ്റവരിയിൽ ശരിയായ ഉത്തരം നൽകുക, തുടർന്ന് നിങ്ങൾക്ക് കൂടുതൽ ചോദ്യങ്ങൾ നേരിടേണ്ടി വരില്ല.
എന്തുകൊണ്ടാണ് നമുക്ക് സ്ത്രീകൾക്ക് ഉറച്ച നിലപാടെടുക്കാൻ കഴിയാത്തത്?
‘സഞ്ചിയിൽ നിന്ന് പൂച്ച പുറത്തായി’ എന്നതിൽ എന്റെ അമ്മ ശരിക്കും ആശ്വസിച്ചു, അമ്മയ്ക്ക് കഴിയാത്തത് ഞാൻ പറഞ്ഞതിൽ സന്തോഷിച്ചു.
പ്രായമായ ആളുകൾ അവരുടെ ജീവിതാനുഭവങ്ങൾ കാരണം കൂടുതൽ ജ്ഞാനവും സഹാനുഭൂതിയും ദയയും ഉള്ളവരായിരിക്കുമെന്ന് ഞാൻ പ്രതീക്ഷിക്കുന്നു. കുറഞ്ഞത്, ഞാൻ അങ്ങനെയായിരിക്കും.
Post Your Comments