പടക്കം സൂക്ഷിച്ചിരുന്ന വീട്ടിൽ സ്ഫോടനം: വീടിന്റെ അടുക്കള ഭാ​ഗം തകർന്നു

പാലക്കാട്: പടക്കം സൂക്ഷിച്ചിരുന്ന വീട്ടിൽ സ്ഫോടനം. കേരളശേരി കാവിന് സമീപം തിങ്കളാഴ്ച രാവിലെ പത്ത് മണിയോടെയാണ് സംഭവം.

കേരളശേരി കാവിൽ അബ്ദുൾ റസ്സാക്കിന്റെ വീടാണ് തകർന്നത്. സ്ഫോടനത്തിൽ വീടിന്റെ അടുക്കള ഭാ​ഗം പൂർണമായും തകർന്നു.

വീട്ടിൽ നിന്നും മാംസാവിശിഷ്ടങ്ങൾ കണ്ടെത്തിയതായാണ് വിവരം. നിലവിൽ പോലീസിന്റെയും ഫോറെൻസിക് ഉദ്യോ​ഗസ്ഥരുടെയും പരിശോധന സ്ഥലത്ത് പുരോ​ഗമിക്കുകയാണ്.

അബ്ദുൾ റസ്സാക്കിന്റെ ഭാര്യ സ്ഫോടന സമയത്ത് അയൽവീട്ടിലായതിനാൽ അപകടത്തിൽ നിന്നും രക്ഷപ്പെട്ടു.