നേട്ടം നിലനിർത്തി ഓഹരി വിപണി, ആഭ്യന്തര സൂചികകളിൽ വൻ മുന്നേറ്റം

ആഴ്ചയുടെ നാലാം ദിനമായ ഇന്ന് നേട്ടം നിലനിർത്തി ഓഹരി വിപണി. ആഗോള തലത്തിലെ മികച്ച പ്രകടനമാണ് ഇന്ന് ആഭ്യന്തര വിപണിയിലും പ്രതിഫലിച്ചത്. ബിഎസ്ഇ സെൻസെക്സ് 348 പോയിന്റാണ് ഉയർന്നത്. ഇതോടെ, സെൻസെക്സ് 60,649.38- ലാണ് വ്യാപാരം അവസാനിപ്പിച്ചത്. നിഫ്റ്റി 101.45 പോയിന്റ് ഉയർന്ന് 17,915.05- ൽ വ്യാപാരം അവസാനിപ്പിച്ചു.

റിലയൻസ് ഇൻഡസ്ട്രീസ്, ഇൻഫോസിസ്, ബജാജ് ഫിനാൻസ്, വോഡഫോൺ- ഐഡിയ, ടാറ്റ എലക്സി, ഐആർഎഫ്സി തുടങ്ങിയവയുടെ ഓഹരികൾ മികച്ച പ്രകടനമാണ് കാഴ്ചവച്ചത്. അതേസമയം, വോൾട്ടാസ്, എച്ച്ഡിഎഫ്സി ലൈഫ്, ഗോദ്റേജ് കൺസ്യൂമർ പ്രോഡക്ട്സ്, ല്യൂപിൻ, ഹിന്ദുസ്ഥാൻ യൂണിലിവർ, പവർഗ്രിഡ് കോർപ്പറേഷൻ, ആക്സിസ് ബാങ്ക്, എസ്ബിഐ തുടങ്ങിയവയുടെ ഓഹരികൾക്ക് നേരിയ തോതിൽ മങ്ങലേറ്റു.

Also Read: ബാങ്കിങ് പ്രതിസന്ധി ഇന്ത്യയെ ബാധിക്കില്ല: വ്യക്തമാക്കി ആർബിഐ ഗവർണർ