കൊച്ചി: പ്രധാനമന്ത്രിയുടെ യുവം- 2023 വേദിയിൽ പങ്കെടുക്കാൻ സിനിമാ താരങ്ങളും. പ്രധാനമന്ത്രി നരേന്ദ്രമോദി പങ്കെടുക്കുന്ന പരിപാടിയിൽ മലയാള ചലച്ചിത്ര രംഗത്തെ യുവശബ്ദമായ ഉണ്ണി മുകുന്ദൻ, അപർണ്ണ ബാലമുരളി, നവ്യ നായർ, വിജയ് യേശുദാസ് എന്നിവർ സംവാദ പരിപാടിയിൽ എത്തും. ഇതിന് പുറമെ നിരവധി പ്രമുഖർ പരിപാടിയിൽ പങ്കെടുക്കുമെന്നാണ് വിവരം.
യൂത്ത് കോൺക്ലേവ് ആയതിനാലാണ് പങ്കെടുക്കുന്നതെന്നും ഇത് പ്രോത്സാഹിപ്പിക്കേണ്ടതാണെന്നും അപർണ്ണ ബാലമുരളി പറഞ്ഞു. യൂത്ത് കോൺക്ലേവ് എന്ന് പറയുമ്പോൾ നാളത്തെ ഫ്യൂച്ചർ എന്ന കോൺസെപ്റ്റ് ഉണ്ട്. കൂടാതെ പ്രധാനമന്ത്രിക്കൊപ്പം വേദി പങ്കിടാൻ അവസരം കിട്ടിയതിലും സന്തോഷമെന്നും നടി അപർണ്ണ വ്യക്തമാക്കി.
ദക്ഷിണ നാവികസേന വിമാനത്താവളത്തിൽ പ്രധാനമന്ത്രി എത്തിക്കഴിഞ്ഞു. ഇവിടെ നിന്നും റോഡ് ഷോ ആയാണ് യുവം സംവാദ വേദിയിൽ എത്തുന്നത്. വെണ്ടുരുത്തി പാലം മുതൽ തേവര വരെയാണ് റോഡ് ഷോ ഉണ്ടാകുക. പ്രധാനമന്ത്രി നരേന്ദ്ര മോദിയുടെ റോഡ് ഷോ കാണാൻ കൊച്ചിയിൽ വൻ ജനത്തിരക്കാണ് അനുഭവപ്പെടുന്നത്.
Post Your Comments