ലാവ ബ്ലെസ് 2: ഇന്ത്യൻ വിപണിയിൽ എത്താൻ ഇനി ദിവസങ്ങൾ, സവിശേഷതകൾ ഇവയാണ്

ബഡ്ജറ്റ് റേഞ്ചിൽ സ്വന്തമാക്കാൻ സാധിക്കുന്ന ലാവയുടെ ഏറ്റവും പുതിയ സ്മാർട്ട്ഫോൺ വിപണിയിൽ എത്തുന്നു. സ്മാർട്ട്ഫോൺ പ്രേമികൾ ദീർഘ നാളായി കാത്തിരിക്കുന്ന ലാവ
ബ്ലെസ് 2 ഹാൻഡ്സെറ്റാണ് ഇത്തവണ വിപണി കീഴടക്കാൻ എത്തുന്നത്. കുറഞ്ഞ വിലയിൽ ആകർഷകമായ ഫീച്ചറാണ് ഈ സ്മാർട്ട്ഫോണിന്റെ പ്രധാന പ്രത്യേകത. സവിശേഷതകൾ എന്തൊക്കെയെന്ന് അറിയാം.

6.5 ഇഞ്ച് പഞ്ച് ഹോൾ എച്ച്ഡി പ്ലസ് ഐപിഎസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 90 ഹെർട്സാണ് റിഫ്രഷ് റേറ്റ്. യൂണിസോക് ടി616 ഒക്ട- കോർ പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്. 13 മെഗാപിക്സൽ, 2 മെഗാപിക്സൽ ഡ്യുവൽ ക്യാമറ സജ്ജീകരണമാണ് പിന്നിൽ നൽകിയിട്ടുള്ളത്. 6 ജിബി റാം പ്ലസ് 128 ജിബി ഇന്റേണൽ സ്റ്റോറേജിലാണ് ഇവ വാങ്ങാൻ സാധിക്കുക. 18 വാട്സ് ഫാസ്റ്റ് ചാർജിംഗ് പിന്തുണയും, 5,000 എംഎഎച്ച് ബാറ്ററി ലൈഫും ലഭ്യമാണ്. ഏപ്രിൽ 18 മുതലാണ് ഈ ഹാൻഡ്സെറ്റിന്റെ വിൽപ്പന ആരംഭിക്കുക. ലാവ ബ്ലേസ് 2 സ്മാർട്ട്ഫോണുകളുടെ ഇന്ത്യൻ വിപണി വില 10,999 രൂപയാണ്.

Also Read: വ്യാജന്മാരെ കരുതിയിരിക്കുക! നിക്ഷേപകർക്ക് മുന്നറിയിപ്പുമായി എൻഎസ്ഇ