സ്വർണവിപണി തണുക്കുന്നു, വിലയിൽ നേരിയ ഇടിവ്

സംസ്ഥാനത്ത് ഇന്ന് സ്വർണവിലയിൽ ഇടിവ്. ഇന്ന് ഒരു പവൻ സ്വർണത്തിന് 240 രൂപയാണ് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 43,760 രൂപയാണ്. ഒരു ഗ്രാം സ്വർണത്തിന് 30 രൂപ കുറഞ്ഞ് 5,470 രൂപയിലാണ് ഇന്ന് വ്യാപാരം നടക്കുന്നത്. തുടർച്ചയായ രണ്ട് ദിവസം സ്വർണവിലയിൽ മാറ്റമുണ്ടായിരുന്നില്ല.

മാർച്ച് 31- ന് ഒരു പവൻ സ്വർണത്തിന് 240 കൂടിയ ശേഷം ഏപ്രിലിലെ ആദ്യ രണ്ട് ദിവസങ്ങളിലും സ്വർണവിലയിൽ ചാഞ്ചാട്ടം ഇല്ലായിരുന്നു. ആഗോള വിപണിയിലെ ചലനങ്ങളാണ് കേരളത്തിലെ സ്വർണവിലയിലും പ്രതിഫലിക്കുന്നത്. സംസ്ഥാനത്ത് ആദ്യമായി മാർച്ച് 18- നാണ് സ്വർണവില സർവകാല റെക്കോർഡിൽ എത്തിയത്. മാർച്ച് 18-ന് ഒരു പവൻ സ്വർണത്തിന്റെ വില 44,240 രൂപയായിരുന്നു.

Also Read: മദ്രാസ് ഐഐടിയിൽ വീണ്ടും ആത്മഹത്യ: പിഎച്ച്ഡി വിദ്യാർത്ഥിയെ മരിച്ച നിലയില്‍ കണ്ടെത്തി