ബിഎസ്എൻഎൽ ടവറിന് മുകളിൽ കയറി ആത്മഹത്യാ ഭീഷണി: പിന്നീട് സംഭവിച്ചത്…

എറണാകുളം: ബിഎസ്എൻഎൽ ടവറിന് മുകളിൽ കയറി ആത്മഹത്യാ ഭീഷണി മുഴക്കി യുവാവ്. എറണാകുളം ജില്ലയിലെ കാലടിയിലാണ് ഈ സംഭവം നടന്നത്. കുട്ടമ്പുഴ സ്വദേശി അരുണാണ് ആത്മഹത്യാ ഭീഷണിയുമായി ടവറിന് മുകളിൽ കയറിയത്. യുവാവിന്റെ നീക്കം നാട്ടുകാരെയും ബന്ധുക്കളെയും പരിഭ്രാന്തിയിലാക്കി.

Read Also: സംസ്ഥാന സർക്കാരിന്റെ ഇത്തരം സമീപനം രാജ്യത്തിന് തന്നെ നാണക്കേട്: രൂക്ഷവിമർശനവുമായി കെ സുരേന്ദ്രൻ

നീണ്ട നേരത്തെ പരിശ്രമത്തിനൊടുവിലാണ് യുവാവിനെ അനുനയിപ്പിക്കാൻ പോലീസിന് കഴിഞ്ഞത്. നേരത്തെ മാന്നാനത്തും സമാന രീതിയിലുള്ള സംഭവം അരങ്ങേറിയിരുന്നു. ഇടുക്കി മാമലക്കണ്ടം സ്വദേശിയായ ഷിബുവാണ് മാന്നാനം ഷാപ്പുംപടിയിലെ മൊബൈൽ ടവറിന്റെ മുകളിൽ കയറിയത്.

താൻ ആത്മഹത്യ ചെയ്യാൻ പോകുകയാണെന്ന് പറഞ്ഞായിരുന്നു ഇയാൾ ടവറിന് മുകളിൽ കയറിയത്. മദ്യലഹരിയിലായിരുന്നു ഷിബു ഈ പരാക്രമങ്ങളെല്ലാം നടത്തിയതെന്നാണ് പോലീസ് വ്യക്തമാക്കിയത്.

Read Also: ജൈവകൃഷി ചെയ്‌ത് ഒരുപാട് പണം പോയി, ഞാന്‍ അതില്‍ തോറ്റു പോയിരിക്കാം: ശ്രീനിവാസന്‍