ഇന്ത്യൻ ബഹിരാകാശ ഗവേഷണ സ്ഥാപനം (ഐഎസ്ആർഒ) വികസിപ്പിച്ചുകൊണ്ടിരിക്കുന്ന പുനരുപയോഗിക്കാവുന്നവിക്ഷേപണ വാഹനത്തിന്റെ ലാൻഡിംഗ് ഞായറാഴ്ച വിജയകരമായി നടത്തി. ഇതോടെ സ്വന്തം ബഹിരാകാശ വിമാനമെന്ന സ്വപ്നത്തിലേക്ക് ഇന്ത്യ ഒരു പടി കൂടി അടുത്തു.
ബഹിരാകാശത്തേക്ക് കുറഞ്ഞ നിരക്കിൽ പ്രവേശനം സാധ്യമാക്കുന്നതിന് പൂർണമായും പുനരുപയോഗിക്കാവുന്ന വിക്ഷേപണ വാഹനത്തിന് ആവശ്യമായ സാങ്കേതിക വിദ്യകൾ വികസിപ്പിക്കാനുള്ള ഐഎസ്ആർഒയുടെ ശ്രമമാണ് ആർഎൽവി.
ഏപ്രിൽ 2 ന് പുലർച്ചെ കർണാടകയിലെ ചിത്രദുർഗയിലെ എയ്‌റോനോട്ടിക്കൽ ടെസ്റ്റ് റേഞ്ചിൽ (എടിആർ) നിന്ന് ചിനൂക്ക് ഹെലികോപ്റ്ററിൽ നിന്നാണ് ബഹിരാകാശ പേടകം പറന്നുയർന്നത്. ആർഎൽവിയുടെ കോൺഫിഗറേഷൻ ഒരു വിമാനത്തിന്റേതിന് സമാനമാണ്. വിക്ഷേപണത്തിന് മുമ്പ് ഇത് 4.6 കിലോമീറ്റർ ഉയരത്തിലേക്ക് ഉയർത്തി. ഇന്റഗ്രേറ്റഡ് നാവിഗേഷൻ, ഗൈഡൻസ് & കൺട്രോൾ സിസ്റ്റം എന്നിവ ഉപയോഗിച്ച് ആർഎൽവി അപ്രോച്ച്, ലാൻഡിംഗാണ് നടത്തിയത്.
— ISRO (@isro) April 2, 2023
‘സ്‌പേസ് റീ-എൻട്രി വാഹനത്തിന്റെ ലാൻഡിംഗിന്റെ കൃത്യമായ വ്യവസ്ഥകൾക്ക് കീഴിലാണ് ഓട്ടോണമസ് ലാൻഡിംഗ് നടത്തിയത്. വാഹനം ബഹിരാകാശത്ത് നിന്ന് വരുന്നതുപോലെ ഉയർന്ന വേഗതയിൽ, അതേ പാതയിൽ കൃത്യമായ ലാൻഡിംഗ് ആയിരുന്നു,’ ഐഎസ്ആർഒ വ്യക്തമാക്കി. ഇതോടെ ബില്യൺ ഡോളർ സാറ്റലൈറ്റ് ലോഞ്ച് മാർക്കറ്റിൽ ചെലവ് കുറഞ്ഞ വിക്ഷേപണ സേവന ദാതാവാണ് ഐഎസ്ആർഒ. പുതിയ സംവിധാനം അതിന്റെ സ്ഥാനം കൂടുതൽ ശക്തിപ്പെടുത്തും.
Post Your Comments