ആർബിഐ: വരുന്ന സാമ്പത്തിക വർഷത്തെ എം.പി.സി മീറ്റിംഗ് ഷെഡ്യൂൾ പുറത്തിറക്കി

വരുന്ന സാമ്പത്തിക വർഷത്തിലെ എം.പി.സി മീറ്റിംഗ് ഷെഡ്യൂൾ പുറത്തിറക്കി ആർബിഐ. ഭൗമ രാഷ്ട്രീയ സാഹചര്യങ്ങൾ പരിശോധിക്കുന്നതിനും, അതനുസരിച്ച് പണനയം രൂപപ്പെടുത്തുന്നതിന്റെയും ഭാഗമായാണ് എം.പി.സി ദ്വൈമാസ യോഗം സംഘടിപ്പിക്കുന്നത്. ആദ്യത്തെ യോഗം 2023 ഏപ്രിൽ 3-5 തീയതികളിലാണ് നടക്കുക. രണ്ടാമത്തെ യോഗം ജൂൺ 6-8 തീയതികളിൽ നടക്കും.

മൂന്നാമത്തെ യോഗം ഓഗസ്റ്റ് 8- 10 തീയതികളിലും, നാലാമത്തെ യോഗം ഒക്ടോബർ 4-6 തീയതികളിലും, അഞ്ചാമത്തെ യോഗം ഡിസംബർ 6-8 തീയതികളിലുമായാണ് ഷെഡ്യൂൾ ചെയ്തിരിക്കുന്നത്. ആറാമത്തെ ദ്വൈമാസ യോഗം 2024 ഫെബ്രുവരി 6-8 തീയതികളിലാണ് നടക്കുക. ആർബിഐ ഗവർണറുടെ അധ്യക്ഷതയിലാണ് യോഗം ചേരുന്നത്. ധനനയ കമ്മിറ്റിയിൽ രണ്ട് കേന്ദ്ര ബാങ്ക് പ്രതിനിധികളും, മൂന്ന് ബാഹ്യ അംഗങ്ങളുമാണ് ഉണ്ടാവുക.

Also Read: രാജ്യത്തെ പ്രധാന നഗരങ്ങളിലെ ഇന്ധനവില അറിയാം