കൊച്ചി: ബ്രഹ്മപുരത്തെ ദുരിതാശ്വാസ പ്രവർത്തനത്തിനായി ധനസഹായം പ്രഖ്യാപിച്ച് വ്യവസായ പ്രമുഖനും ലുലു ഗ്രൂപ്പ് ചെയർമാനുമായ എം എ യൂസഫലി. ബ്രഹ്മപുരം മാലിന്യസംസ്‌കരണ പ്ലാന്റിലെ അഗ്നിബാധയെ തുടർന്നുണ്ടായ പ്രതിസന്ധി പരിഹരിക്കാനായി ഒരു കോടി രൂപയാണ് യൂസഫലി ധനസഹായം പ്രഖ്യാപിച്ചത്.
കനത്ത പുകയെ തുടർന്ന് ശ്വാസ സംബന്ധമായ പ്രശ്‌നങ്ങൾ അനുഭവിക്കുന്നവർക്ക് വൈദ്യസഹായം എത്തിക്കാനും, ബ്രഹ്മപുരത്ത് കൂടുതൽ മെച്ചപ്പെട്ട മാലിന്യസംസ്‌കരണ സംവിധാനം ഉറപ്പാക്കാനുമാണ് അടിയന്തരമായി തുക കൈമാറുന്നതെന്ന് എം എ യൂസഫലി വ്യക്തമാക്കി. കൊച്ചി മേയർ അഡ്വ എം അനിൽ കുമാറിനെ, ഫോണിൽ വിളിച്ചാണ് എം എ യൂസഫലി ഇക്കാര്യമറിയിച്ചത്. തുക ഉടൻ ലുലു ഗ്രൂപ്പ് പ്രതിനിധികൾ കോർപ്പറേഷന് കൈമാറും.
Post Your Comments