‘ആറ്റുകാൽ പൊങ്കാലയോ കുക്കറി ഷോയോ?’ അനുശ്രീയുടെ പൊങ്കാലയ്ക്ക് പൊങ്കാല

കുറച്ച് ദിവസം മുൻപായിരുന്നു ആറ്റുകാൽ പൊങ്കാല. സ്ത്രീകളുടെ ശബരിമല എന്നറിയപ്പെടുന്ന ആറ്റുകാലിൽ പൊങ്കാല ഇടുന്നതിനായി ആയിരക്കണക്കിന് സ്ത്രീകളാണ് എത്തിയത്. പൊങ്കാല ദിവസം അനുശ്രീയും കുടുംബവും പൊങ്കാല ഇട്ടിരുന്നു. താരം തന്നെയാണ് ഇതിന്റെ വിശേഷങ്ങൾ സോഷ്യൽ മീഡിയ വഴി പങ്കുവെച്ചത്. പാൽപ്പായസവും തെരളിയുമാണ് താരം ചെയ്തത്. എന്നാൽ തെരളി വീട്ടിൽ വേവിച്ചു കൊണ്ടാണ് വന്നതെന്നും ആരോപണമുണ്ട്.

പൊടിക്കലും വറുക്കലുമൊക്കെ കഴിഞ്ഞാണ് അനുശ്രീ പൊങ്കാല ഇടാനായി എത്തിയത്. ഇത്തരം കാര്യങ്ങൾ തങ്ങൾ നേരത്തെ ചെയ്ത് വെയ്ക്കാറുണ്ടെന്നും അനുശ്രീ പറഞ്ഞിരുന്നു. അനുശ്രീയുടെ പൊങ്കാല വീഡിയോ വൈറലായതിന് പിന്നാലെ വിമർശനവുമായി നിരവധി ആളുകൾ രംഗത്തെത്തി. വീഡിയോയിലെ അനുശ്രീയുടെ പെരുമാറ്റവും സംസാരവും ആണ് വിമർശനങ്ങൾക്ക് കാരണം.

ഭക്തിയോടെ ചെയ്യേണ്ട കാര്യം അനുശ്രീ വെറുതെ കാട്ടിക്കൂട്ടലുകൾ പോലെ ചെയ്തുവെന്ന് ചിലർ കമന്റ് ചെയ്യുന്നു. ‘ചിപ്പിയും ആനിയുമൊക്കെ ചെയ്യുന്നത് കാണാനൊരിഷ്ടമുണ്ട്. ഇത് വെറും കാട്ടിക്കൂട്ടലായിപ്പോയി. നല്ല ഭക്തിയോടെ ചെയ്യേണ്ട കാര്യമാണ്. സിംപിളായി പോയാൽ മതിയായിരുന്നു. ഇത് വല്ലാതെ ഓവറായിപ്പോയി’, ‘ഇങ്ങനെയാണോ ആറ്റുകാൽ പൊങ്കാല ഇടുന്നത് അനു. ഇത് തെറ്റായ രീതിയായി പോയി…. ദേവിയെ നിന്ദിക്കുന്നതിന് തുല്യം. പൊങ്കാലയിടാനുള്ള ഒരു സാധനവും അടുക്കളയിൽ വേവിച്ചെടുക്കില്ല. അതൊക്കെ പൊങ്കാലയിടുന്ന സ്ഥലത്ത് മാത്രമെ ചെയ്യൂ. അങ്ങനെയല്ലേ എല്ലാ സ്ത്രീകളും ചെയ്യുന്നത്.’

‘ഇത്രയും പ്രധാനപ്പെട്ട ഒരു ഭഗവതിയുടെ കാര്യത്തിന് പൊങ്കാലയിട്ടു വന്നിട്ട് വയ്യ പറഞ്ഞു കിടക്കുന്നു കുട്ടി നിനക്ക് എന്താ ഇത്ര അഹങ്കാരം, തിരുവനന്തപുരത്തിന് കാസർകോട് നിന്നു പോലും ജനങ്ങൾ വന്ന് അതും വയസ്സായവർ അവർക്കൊന്നും ഈ തളർച്ചയില്ല, ഒരു പൊങ്കാലയിടുന്ന വേഷം കണ്ടാൽ മതി എന്തിനാ ഇങ്ങനെ കാട്ടി കുട്ടുന്നത്, എന്തിനു പിന്നെ ഇതിനു നിന്നു? ഭർത്താവ് എന്നുപറയുന്ന ആ കുട്ടി രക്ഷപ്പെട്ടു’, ഈ സ്ത്രീക്ക് പക്വത അശേഷമില്ലന്നു ആവർത്തിച്ചു തെളിയിച്ചു കൊണ്ടിരിക്കുന്നു! ഭയഭക്തിയില്ലാതെ സിനിമാ പാട്ടും പാടി പൊങ്കാല ഇടുന്നതു കാണുമ്പോൾ വിഷമം തോന്നുന്നു…നല്ല ബുദ്ധി പറഞ്ഞു കൊടുക്കാൻ ആരും ഇല്ലാതെ പോയൊ ഇതിന്’ എന്നിങ്ങനെ നീളുന്നു കമന്റുകൾ.