ഐക്യൂ നിയോ 7 : പ്രധാന ഫീച്ചറുകൾ അറിയാം

ഇന്ത്യൻ വിപണിയിൽ ഏറെ ആരാധകരുള്ള സ്മാർട്ട്ഫോൺ നിർമ്മാതാക്കളാണ് ഐക്യൂ. ആഗോള വിപണിയിൽ ഒട്ടനവധി ഹാൻഡ്സെറ്റുകൾ ഐക്യൂ പുറത്തിറക്കിയിട്ടുണ്ട്. അത്തരത്തിൽ ഐക്യൂവിന്റെ ഏറ്റവും പുതിയ സ്മാർട്ട്ഫോണാണ് ഐക്യൂ നിയോ 7. ചൈനീസ് വിപണിയിലാണ് ഈ സ്മാർട്ട്ഫോൺ ആദ്യം പുറത്തിറക്കിയതെങ്കിലും, ഇവ ആഗോള വിപണിയിൽ ഇപ്പോൾ ലഭ്യമാണ്. ഐക്യൂ നിയോ 7 സ്മാർട്ട്ഫോണിന്റെ വിലയും സവിശേഷതയും അറിയാം.

6.78 ഇഞ്ച് ഫുൾ എച്ച്ഡി പ്ലസ് അമോലെഡ് ഡിസ്പ്ലേയാണ് നൽകിയിരിക്കുന്നത്. 1080 × 2,400 പിക്സൽ റെസലൂഷനും 120 ഹെർട്സ് റിഫ്രഷ് റേറ്റും ലഭ്യമാണ്. ഒക്ട-കോർ മീഡിയടെക് ഡെമൻസിറ്റി 9000 പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 ആണ്. 120 വാട്സ് ഫ്ലാഷ് ചാർജിംഗ് സൗകര്യം ഏർപ്പെടുത്തിയിട്ടുണ്ട്. 5,000 എംഎഎച്ച് ആണ് ബാറ്ററി ലൈഫ്.

Also Read: തങ്ങളെ കൊല്ലുമെന്ന് ഭീഷണിപ്പെടുത്തി മയക്കുമരുന്ന് സംഘം: ഒമ്പതാം ക്ലാസുകാരിയുടെ മാതാവ്

പ്രധാനമായും മൂന്ന് കളർ ഓപ്ഷനുകളിലാണ് ഐക്യൂ നിയോ 7 വാങ്ങാൻ സാധിക്കുക. ബ്ലാക്ക്, ഇംപ്രഷൻ ബ്ലൂ, പോപ്പ് ഓറഞ്ച് എന്നിവയാണ് നിറങ്ങൾ. 4ജി, വൈ- ഫൈ, ബ്ലൂടൂത്ത് വി5.3, ഒടിജി തുടങ്ങി നിരവധി കണക്ടിവിറ്റി ഓപ്ഷനുകൾ ഉൾക്കൊള്ളിച്ചിട്ടുണ്ട്. 8 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള വേരിയന്റിന്റെ വില 29,999 രൂപയും, 12 ജിബി റാം പ്ലസ് 256 ജിബി ഇന്റേണൽ സ്റ്റോറേജ് ഉളള മോഡലിന്റെ വില 33,999 രൂപയുമാണ്.