ചേര്‍ത്തല: അക്രമത്തില്‍ പരിക്കേറ്റ യുവാവ് മരിച്ച സംഭവത്തില്‍ ഒരാള്‍ അറസ്റ്റില്‍. മൂന്നുപേര്‍ കസ്റ്റഡിയിലുണ്ട്. ഏഴാം പ്രതിയായ കഞ്ഞിക്കുഴി പഞ്ചായത്ത് വാരണം മലയന്‍പറമ്പ് അരുണ്‍കുമാറി(36)നെയാണ് അറസ്റ്റ് ചെയ്തത്. മുഹമ്മ പൊലീസ് ആണ് യുവാവിനെ അറസ്റ്റ് ചെയ്തത്.
കഞ്ഞിക്കുഴി മൂന്നാം വാര്‍ഡ് തോട്ടുങ്കല്‍ ആദിത്യനാ(22)ണ് കഴിഞ്ഞ ദിവസം മരിച്ചത്. ഞായറാഴ്ച വൈകിട്ട് നാലോടെ ഒരു സംഘം വീട്ടില്‍ കയറി ആദിത്യനെ അക്രമിക്കുകയായിരുന്നു. തുടർന്ന്, രാത്രി 12 ഓടെ കോട്ടയം മെഡിക്കല്‍ കോളജ് ആശുപത്രിയിൽ ചികിത്സയിലിരിക്കെയാണ് മരിച്ചത്.
സംഭവത്തില്‍ ഏഴുപേര്‍ക്കെതിരെയാണ് പൊലീസ് കേസെടുത്തിരിക്കുന്നത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments