മറ്റൊരു വിവാഹം കഴിക്കുന്നതുമായി ബന്ധപ്പെട്ട തര്‍ക്കം; പെൺ സുഹൃത്തിനെ കൊലപ്പെടുത്തി ഫ്രിഡ്ജിനുള്ളിൽ സൂക്ഷിച്ചു: അറസ്റ്റ്

ന്യൂഡല്‍ഹി: ഡൽഹിയിൽ ലിവിങ് പാർട്ണറായ പെൺ സുഹൃത്തിനെ കൊലപ്പെടുത്തി ശരീരം ഫ്രിഡ്ജിനുള്ളിൽ സൂക്ഷിച്ച പ്രതി അറസ്റ്റിൽ. മറ്റൊരു യുവതിയെ വിവാഹം കഴിക്കുന്നതുമായി ബന്ധപ്പെട്ട തര്‍ക്കത്തെ തുടര്‍ന്ന് ആണ് കൊലപാതകം. ലോക്ഡൗണ്‍ കാലം മുതൽ ഒപ്പം താമസ്സിച്ച പെൺ സുഹ്യത്ത് നിക്കി യാദവാണ് കൊല്ലപ്പെട്ടത്. പടിഞ്ഞാറൻ ഡൽഹിയിലെ നജാഫ്ഗാർഹിലെ മിട്രോൺ ഗ്രാമത്തിൽ പ്രതിയുടെ ദാബയിൽ നിന്നാണ് ശരീരം കണ്ടെത്തിയത്.

ഡാറ്റാ കേബിൾ ഉപയോഗിച്ച് പെൺകുട്ടിയെ കൊലപ്പെടുത്തുകയും മൃതദേഹം ഫ്രീസറിലേക്ക് മാറ്റുകയുമായിരുന്നു. നിക്കി യാദവിനെ കൊലപ്പെടുത്തിയ ശേഷം മണിക്കൂറുകൾക്ക് ഉള്ളിൽ മറ്റൊരു സ്ത്രീയെ പ്രതി വിവാഹം ചെയ്തു. സംഭവത്തിൽ വിശദമായ അന്വേഷണം നടക്കുകയാണെന്ന് എസ്പി രവീന്ദ്ര യാദവ് പറഞ്ഞു.