നാഷണൽ എക്സ്ചേഞ്ച് കാർണിവൽ പ്രഖ്യാപിച്ച് ടാറ്റ മോട്ടോഴ്സ്

വാഹന പ്രേമികൾക്ക് സന്തോഷം നൽകുന്ന വാർത്തയുമായി എത്തിയിരിക്കുകയാണ് രാജ്യത്തെ പ്രമുഖ വാഹന നിർമ്മാതാക്കളായ ടാറ്റ മോട്ടോഴ്സ്. റിപ്പോർട്ടുകൾ പ്രകാരം, ഇത്തവണ നാഷണൽ എക്സ്ചേഞ്ച് കാർണിവലാണ് ടാറ്റ മോട്ടോഴ്സ് പ്രഖ്യാപിച്ചിരിക്കുന്നത്. ഓരോ മോഡലിനും പ്രത്യേക ആനുകൂല്യങ്ങൾ ഒരുക്കിയിട്ടുണ്ട്. ടാറ്റ മോട്ടോഴ്സിന്റെ ഡീലർഷിപ്പുകൾ സന്ദർശിച്ച് ഉപയോക്താക്കൾക്ക് ടാറ്റ കാറുകളിലും യുവികളിലും ആനുകൂല്യങ്ങൾ നേടാൻ സാധിക്കുമെന്ന് കമ്പനി അറിയിച്ചിട്ടുണ്ട്.

ഫെബ്രുവരി 15 മുതലാണ് നാഷണൽ എക്സ്ചേഞ്ച് കാർണിവൽ ആരംഭിക്കുക. ഉപഭോക്തൃ കേന്ദ്രീകൃത സംരംഭത്തിന്റെ ഭാഗമായി രാജ്യത്തെ 250 നഗരങ്ങളിലാണ് കാർണിവൽ സംഘടിപ്പിക്കുന്നത്. ഈ നഗരങ്ങളിലെ ടാറ്റ മോട്ടോഴ്സിന്‍റെ അംഗീകൃത ഡീലർഷിപ്പുകൾ വഴി മെഗാ കാർണിവലിന്റെ സേവനം ലഭിക്കുന്നതാണ്. തെരഞ്ഞെടുത്ത മോഡലുകൾക്ക് 60,000 രൂപ വരെ എക്സ്ചേഞ്ച് ആനുകൂല്യങ്ങളും ടാറ്റ മോട്ടോഴ്സ് ഒരുക്കിയിട്ടുണ്ട്.

Also Read: പൊറോട്ടയിൽ നിന്ന് അലർജി; ചികിത്സയിലിരുന്ന വിദ്യാർത്ഥിനി മരിച്ചു