ലൗ ബൈറ്റ്സ് കോയിൻ: വാലന്റൈൻസ് ദിനത്തിൽ വ്യത്യസ്ഥമായ സമ്മാനവുമായി മുത്തൂറ്റ് റോയൽ ഗോൾഡ്

ഉപഭോക്താക്കൾക്കായി വാലന്റൈൻസ് ദിനത്തിൽ വ്യത്യസ്ഥമായ സമ്മാനവുമായി എത്തിയിരിക്കുകയാണ് മുത്തൂറ്റ് റോയൽ ഗോൾഡ്. ഇത്തവണത്തെ വാലന്റൈൻസ് ദിനം ആഘോഷമാക്കാൻ ലൗ ബൈറ്റ്സ് കോയിൻ എന്ന പേരിൽ സ്പെഷൽ ലിമിറ്റഡ് എഡിഷൻ 24 കാരറ്റ് സ്വർണ നാണയങ്ങളാണ് മുത്തൂറ്റ് റോയൽ ഗോൾഡ് അവതരിപ്പിച്ചിരിക്കുന്നത്. പ്രണയം, ഹൃദയം, ക്യൂപിഡ്, രണ്ട് ലവ് ബലൂണുകളിലുള്ള ഒരു പ്രണയലേഖനം എന്നിവ ഉൾക്കൊള്ളുന്ന 24 കാരറ്റ് സ്വർണ നാണയങ്ങൾ ചേർന്നതാണ് പ്രത്യേക വാലന്റൈൻസ് ദിന പതിപ്പ്.

മുത്തൂറ്റ് മിനി ഫൈനാൻസിയേഴ്സ് മാനേജിംഗ് ഡയറക്ടർ മാത്യു മുത്തൂറ്റും, മുത്തൂറ്റ് റോയൽ ഗോൾഡ് സ്ഥാപക ആർലിൻ അന്ന ഫിലിപ്പും ചേർന്നാണ് പുതിയ പതിപ്പ് അവതരിപ്പിച്ചത്. ഉപഭോക്താക്കൾക്ക് അടുത്തുള്ള മുത്തൂറ്റ് മിനി ഫൈനാൻസ് ശാഖകൾ സന്ദർശിച്ച് ബുക്കിംഗ് നടത്താവുന്നതാണ്. പോക്കറ്റിൽ സൗകര്യപ്രദമായി സൂക്ഷിച്ചു വയ്ക്കാൻ സാധിക്കുന്ന 0.5 ഗ്രാം, 1 ഗ്രാം 24 കാരറ്റ് സ്വർണ നാണയങ്ങളാണ് അവതരിപ്പിച്ചിരിക്കുന്നത്.

Also Read: എസ്എസ്എല്‍വി-ഡി2 വിജയകരമായി വിക്ഷേപിക്കാൻ പ്രാർത്ഥനയുമായി ഐഎസ്ആർഒ ഗവേഷകർ തിരുപ്പതിയിൽ