മൂവാറ്റുപുഴ: മദ്യപിക്കുന്നതിനെച്ചൊല്ലി സുഹൃത്തുക്കൾ തമ്മിലുണ്ടായ വാക്തർക്കത്തിനിടെ ഒരാൾക്ക് കുത്തേറ്റു. ചാലിക്കടവ് പാടത്ത് വീട്ടിൽ രാജനാണ് (53) കുത്തേറ്റത്. സംഭവത്തിൽ, മാർക്കറ്റ് നെടുമ്പുറത്ത് അബി ലത്തീഫിനെ (46) പൊലീസ് രാത്രി തന്നെ അറസ്റ്റ് ചെയ്തു.
ആശ്രമം ബസ്സ്റ്റാൻഡിൽ തിങ്കളാഴ്ച രാത്രി 11.30ഓടെയാണ് സംഭവം. മദ്യപിച്ചതിനെ ചൊല്ലിയുള്ള തർക്കത്തിനിടെ ചില്ലുകുപ്പി ഉപയോഗിച്ച് അടിക്കാൻ ശ്രമിക്കുമ്പോൾ തടയുന്നതിനിടെ രാജന്‍റെ വലതുകൈയിൽ കുത്തേൽക്കുകയായിരുന്നു. നാട്ടുകാർ അറിയിച്ചതിനെ തുടർന്ന്, സ്ഥലത്ത് എത്തിയ പൊലീസ് പ്രതിയെ അറസ്റ്റ് ചെയ്യുകയായിരുന്നു.
ഞരമ്പ് മുറിഞ്ഞ് ചോര വാർന്ന രാജനെ മൂവാറ്റുപുഴ ജനറൽ ആശുപത്രിയിലും തുടർന്ന്, കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചു.
Post Your Comments