ഇന്ത്യ എനർജി വീക്ക്: 11 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലും ലഭ്യമാകുന്ന ഇ20 ഇന്ധനം പ്രധാനമന്ത്രി പുറത്തിറക്കും

ഡൽഹി: പ്രധാനമന്ത്രി നരേന്ദ്ര മോദി തിങ്കളാഴ്ച ഇന്ത്യ എനർജി വീക്ക് ഉദ്ഘാടനം ചെയ്യും. തുടർന്ന്, 20 ശതമാനം എത്തനോൾ കലർത്തിയ പെട്രോൾ പുറത്തിറക്കും. സോളാർ, പരമ്പരാഗത ഊർജത്തിൽ പ്രവർത്തിക്കുന്ന പാചക സംവിധാനം അനാച്ഛാദനം ചെയ്യുകയും ചെയ്യും. ഫെബ്രുവരി 6 മുതൽ 8 വരെ നടക്കുന്ന ഇന്ത്യ എനർജി വീക്ക് 2023, ഊർജ്ജ സംക്രമണ പവർഹൗസ് എന്ന നിലയിൽ ഇന്ത്യയുടെ വർദ്ധിച്ചുവരുന്ന കഴിവ് പ്രദർശിപ്പിക്കാനാണ് ലക്ഷ്യമിടുന്നത്

2025ൽ 20% എത്തനോൾ കലർത്തിയ പെട്രോൾ മിശ്രിതമാക്കാനാണ് സർക്കാർ ലക്ഷ്യമിടുന്നത്, ഇതിനായി ഓയിൽ മാർക്കറ്റിംഗ് കമ്പനികൾ 2ജി-3ജി എത്തനോൾ പ്ലാന്റുകൾ സ്ഥാപിക്കുന്നുണ്ട്. തിങ്കളാഴ്ച നടക്കുന്ന ചടങ്ങിൽ 20 ശതമാനം എഥനോൾ കലർത്തിയ പെട്രോളും മോദി പുറത്തിറക്കും. എഥനോൾ ബ്ലെൻഡിംഗ് റോഡ്‌മാപ്പിന് അനുസൃതമായി, 11 സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും എണ്ണ വിപണന കമ്പനികളുടെ 84 റീട്ടെയിൽ ഔട്ട്‌ലെറ്റുകളിൽ ഇ20 ഇന്ധനം പ്രധാനമന്ത്രി അവതരിപ്പിക്കും.

ഗ്രീൻ മൊബിലിറ്റി റാലിയും പ്രധാനമന്ത്രി ഫ്ലാഗ് ഓഫ് ചെയ്യും. ഹരിത ഊർജ സ്രോതസ്സുകളിൽ ഓടുന്ന വാഹനങ്ങളുടെ പങ്കാളിത്തത്തിന് റാലി സാക്ഷ്യം വഹിക്കുകയും ഹരിത ഇന്ധനങ്ങളെക്കുറിച്ച് പൊതുജന അവബോധം സൃഷ്ടിക്കാൻ സഹായിക്കുകയും ചെയ്യും.

വിവിധ ഭാഗങ്ങളിൽ മഴയ്ക്ക് സാധ്യത: മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം
ഇന്ത്യൻ ഓയിലിന്റെ ‘അൺ ബോട്ടിൽഡ്’ എന്ന സംരംഭത്തിന് കീഴിൽ യൂണിഫോം പുറത്തിറക്കും. സിംഗിൾ യൂസ് പ്ലാസ്റ്റിക് ഘട്ടം ഘട്ടമായി നിർത്തലാക്കാനുള്ള പ്രധാനമന്ത്രിയുടെ കാഴ്ചപ്പാടിന്റെ അടിസ്ഥാനത്തിൽ, റീസൈക്കിൾഡ് പോളിസ്റ്റർ, കോട്ടൺ എന്നിവയിൽ നിന്ന് നിർമ്മിച്ച യൂണിഫോം റീട്ടെയിൽ കസ്റ്റമർ അറ്റൻഡന്റർമാർക്കും എൽപിജി ഡെലിവറി ജീവനക്കാർക്കും ഇന്ത്യൻ ഓയിൽ നടപ്പാക്കും.

ഇന്ത്യൻ ഓയിലിന്റെ കസ്റ്റമർ അറ്റൻഡന്റുകളുടെ ഓരോ സെറ്റ് യൂണിഫോമും ഏകദേശം 28 ഉപയോഗിച്ച പെറ്റ് ബോട്ടിലുകളുടെ പുനരുപയോഗത്തെ പിന്തുണയ്ക്കും. റീസൈക്കിൾ ചെയ്ത പോളിയെസ്റ്ററിൽ നിന്ന് നിർമ്മിച്ച ചരക്കുകൾക്കായി ആരംഭിച്ച സുസ്ഥിര വസ്ത്രങ്ങൾക്കായുള്ള ബ്രാൻഡായ ‘അൺബോട്ടിൽഡ്’ വഴിയാണ് ഇന്ത്യൻ ഓയിൽ ഈ സംരംഭം മുന്നോട്ട് കൊണ്ടുപോകുന്നത്.നല്ല ഉറക്കം ലഭിക്കുന്നതിനുള്ള ചില എളുപ്പവഴികൾ മനസിലാക്കാം

ഈ ബ്രാൻഡിന് കീഴിൽ, മറ്റ് എണ്ണ വിപണന കമ്പനികളിലെ ഉപഭോക്താക്കൾക്ക് യൂണിഫോം, സൈന്യത്തിന് നോൺ-കോംബാറ്റ് യൂണിഫോം, സ്ഥാപനങ്ങൾക്കുള്ള യൂണിഫോം / വസ്ത്രങ്ങൾ, റീട്ടെയിൽ ഉപഭോക്താക്കൾക്കുള്ള വിൽപ്പന എന്നിവ നിർമ്മിക്കുന്നതിനും ഇന്ത്യൻ ഓയിൽ ലക്ഷ്യമിടുന്നുണ്ട്. ഇന്ത്യൻ ഓയിലിന്റെ ഇൻഡോർ സോളാർ കുക്കിംഗ് സിസ്റ്റത്തിന്റെ ഇരട്ട-കുക്ക്ടോപ്പ് മോഡലും പ്രധാനമന്ത്രി രാജ്യത്തിന് സമർപ്പിക്കുകയും വാണിജ്യാടിസ്ഥാനത്തിലുള്ള റോൾ-ഔട്ട് ഫ്ലാഗ് ഓഫ് ചെയ്യുകയും ചെയ്യും.