ആലപ്പുഴ: എസ്എഫ്ഐ, ഡിവൈഎഫ്‌ഐ ഏരിയ നേതാവിനെതിരെ സഹപ്രവര്‍ത്തകന്‍ വ്യാജ വീഡിയോ നിര്‍മ്മിച്ചെന്ന് ആരോപണം. ഹരിപ്പാടാണ് സംഭവം. ഡിവൈഎഫ്‌ഐ ഏരിയ കമ്മിറ്റിയിലെ ഭാരവാഹിയാണ് വ്യാജ വീഡിയോയ്ക്കു പിന്നിലെന്നാണ് ആരോപണം. താന്‍ മദ്യക്കുപ്പി പിടിച്ചു ചിരിക്കുന്ന ദൃശ്യവും ഷര്‍ട്ട് മാത്രമിട്ടു നില്‍ക്കുന്ന ദൃശ്യവും പകര്‍ത്തി എഡിറ്റ് ചെയ്ത് രാഷ്ട്രീയ എതിരാളികള്‍ക്കും ചില മാധ്യമങ്ങള്‍ക്കും നല്‍കിയെന്നാണ് എസ്എഫ്ഐ, ഡിവൈഎഫ്‌ഐ ഏരിയ നേതാവ് പറയുന്നത്.
അതേസമയം, ബെംഗളൂരുവില്‍ സിഐടിയു അഖിലേന്ത്യാ സമ്മേളന സ്ഥലത്ത് സമ്മേളന പ്രതിനിധിയല്ലാത്ത ഒരു ഏരിയ സെക്രട്ടറി എത്തിയതും പ്രമുഖ കരാറുകാരനൊപ്പം മുന്തിയ ഹോട്ടലില്‍ താമസിച്ചതും സിപിഎമ്മില്‍ വിവാദമായി. ഏരിയ സെക്രട്ടറി സിഐടിയു ഭാരവാഹിയല്ലെന്നാണ് വിമര്‍ശനം ഉന്നയിച്ചവര്‍ പറയുന്നത്.
Post Your Comments