ചെലവ് ചുരുക്കാൻ പുതിയ മാർഗ്ഗം, ജോലികൾ വെട്ടിക്കുറയ്ക്കാനൊരുങ്ങി ഗൂഗിൾ

ജീവനക്കാരെ പിരിച്ചുവിടുന്നതിനോടൊപ്പം ചെലവ് ചുരുക്കാൻ പുതിയ മാർഗ്ഗവുമായി എത്തിയിരിക്കുകയാണ് ആഗോള ടെക് ഭീമനായ ഗൂഗിൾ. റിപ്പോർട്ടുകൾ പ്രകാരം, ഗൂഗിളിന്റെ മാതൃസ്ഥാപനമായ ആൽഫബെറ്റ് ഏകദേശം 12,000- ലധികം ജോലികൾ വെട്ടിക്കുറയ്ക്കാനാണ് പദ്ധതിയിടുന്നത്. ഗൂഗിളിന്റെ സിഇഒ ആയ സുന്ദർ പിച്ചൈയാണ് ഇത് സംബന്ധിച്ച വിവരങ്ങൾ പങ്കുവെച്ചത്. വിവിധ തസ്തികകൾ വെട്ടിച്ചുരുക്കുന്നതിനാൽ കമ്പനിയുടെ ആഗോള തലത്തിലുള്ള പ്രവർത്തനത്തെ തന്നെ ബാധിക്കാനുള്ള സാധ്യത കൂടുതലാണ്.

ജോലികളുടെ എണ്ണം കുറയ്ക്കുന്നതുമായി ബന്ധപ്പെട്ട വിവരങ്ങൾ ജീവനക്കാരെ ഇ-മെയിൽ മുഖാന്തരമാണ് സുന്ദർ പിച്ചൈ അറിയിച്ചത്. സാമ്പത്തിക മാന്ദ്യം പിടിമുറുക്കിയതിനാൽ, മുൻഗണന വിഭാഗങ്ങളിലെ പ്രവർത്തനങ്ങളിലേക്ക് കൂടുതൽ ശ്രദ്ധ പതിപ്പിക്കാനാണ് നീക്കം. ചെലവ് ചുരുക്കൽ നടപടികൾ വേഗത്തിലാക്കാൻ നിക്ഷേപകരുടെ സമ്മർദ്ദവും ഗൂഗിൾ നേരിടുന്നുണ്ട്.

Also Read: സ്‌​കൂ​ള്‍ ബ​സ് ത​ട്ടി ര​ണ്ടു​വ​യ​സു​കാ​രന് ദാരുണാന്ത്യം

നടപ്പു സാമ്പത്തിക വർഷം നാലാം പാദത്തിലാണ് ജോലികളുടെ എണ്ണം പകുതിയിലധികം കുറയ്ക്കാൻ സാധ്യത. ഇത് സംബന്ധിച്ച് സൂചനകൾ മാസങ്ങൾക്ക് മുൻപ് തന്നെ ചീഫ് ഫിനാൻഷ്യൽ ഓഫീസർ റൂത്ത് പൊറാത്ത് അറിയിച്ചിരുന്നു. ടെക് കമ്പനികളെ സംബന്ധിച്ചിടത്തോളം 2022 കൂട്ടപിരിച്ചുവിടലിന്റെ വർഷമായിരുന്നു.