പാലക്കാട്: ഓടുന്ന സ്വകാര്യ ബസില്‍ നിന്ന് തെറിച്ചുവീണ് വിദ്യാര്‍ത്ഥിക്ക് പരിക്കേറ്റു. അബ്ദുല്‍ മുത്തലിബിന്‍റെ മകന്‍ മുഹമ്മദ് ഷാമിലിനാണ് പരിക്കേറ്റത്.
വെള്ളിയാഴ്ച രാവിലെ എട്ടോടെയാണ് സംഭവം. പയ്യനെടത്തു നിന്ന് മണ്ണാര്‍ക്കാടേയ്ക്ക് പോയ ശിഫ എന്ന ബസില്‍ നിന്ന് കുട്ടി പുറത്തേക്ക് തെറിച്ചു വീഴുകയായിരുന്നു. മണ്ണാര്‍ക്കാട് കുന്തിപുഴ പാലത്തിന് സമീപത്തുവച്ചാണ് അപകടം നടന്നത്.
ബസിന്‍റെ ഓട്ടോമാറ്റിക് വാതില്‍ അടഞ്ഞിരുന്നില്ലെന്ന് യാത്രക്കാര്‍ പറഞ്ഞു. സംഭവത്തിൽ, പൊലീസ് കേസെടുത്ത് അന്വേഷണം ആരംഭിച്ചു.
Post Your Comments