കോഴിക്കോട്: കേരള സംസ്ഥാന സ്കൂൾ കലോത്സവത്തോടനുബന്ധിച്ച് നടക്കുന്ന സംസ്കൃതോത്സവം പ്രോഗ്രാം നോട്ടീസ് വിദ്യാഭ്യാസ വകുപ്പ് മന്ത്രി വി ശിവൻകുട്ടി പ്രകാശനം ചെയ്തു. ജനുവരി മൂന്നു മുതൽ ആരംഭിക്കുന്ന സംസ്കൃത കലോത്സവത്തിന്റെ ഭാഗമായി ജനുവരി 5 നു പ്രമുഖ സംസ്കൃത പണ്ഡിതൻ പട്ടയിൽ പ്രഭാകരന്റെ ജന്മഗൃഹത്തിൽ നിന്നും ആരംഭിക്കുന്ന ദീപശിഖാ പ്രയാണം തോട്ടത്തിൽ രവീന്ദ്രൻ എം.എൽ.എ ഉദ്ഘാടനം ചെയ്യും. സംസ്കൃത കലോത്സവത്തോടനുബന്ധിച്ച് കോഴിക്കോട് ടൗൺഹാളിൽ ജനുവരി അഞ്ചാം തീയതി സെമിനാറും സംഘടിപ്പിക്കും.
ടൂറിസം പൊതുമരാമത്ത് വകുപ്പ് മന്ത്രിയും കലോത്സവ കമ്മിറ്റി ചെയർമാനുമായ മന്ത്രി പി.എ മുഹമ്മദ് റിയാസ്, എം.എൽ.എമാരായ തോട്ടത്തിൽ രവീന്ദ്രൻ, കെ.കെ രമ, ഡി.ജി.ഇ ജീവൻ ബാബു, എ.ഡി.പി.ഐ സന്തോഷ് കുമാർ സംസ്കൃതം സ്പെഷൽ ഓഫീസർ ഇൻ ചാർജ് സുനിൽകുമാർ കെ.പി എന്നിവർ സംബന്ധിച്ചു.
Post Your Comments