വമ്പിച്ച ഓഫറുമായി ഫ്ലിപ്കാർട്ട് എത്തുന്നു, ബിഗ് സേവിംഗ് ഡേയ്സ് സെയിലിന്റെ തീയതി പ്രഖ്യാപിച്ചു

ഉപഭോക്താക്കളുടെ കാത്തിരിപ്പിന് വിരാമമിട്ട് പ്രമുഖ ഓൺലൈൻ ഷോപ്പിംഗ് പ്ലാറ്റ്ഫോമായ ഫ്ലിപ്കാർട്ട്. വിലക്കുറവിന്റെ മഹാമേളയായ ബിഗ് സേവിംഗ് ഡേയ്സ് സെയിലിന്റെ ഔദ്യോഗിക തീയതിയാണ് ഫ്ലിപ്കാർട്ട് പ്രഖ്യാപിച്ചിരിക്കുന്നത്. റിപ്പോർട്ടുകൾ പ്രകാരം, ഡിസംബർ 16 മുതലാണ് ബിഗ് സേവിംഗ് ഡേയ്സ് സെയിൽ ആരംഭിക്കുക. ഇത്തവണ സ്മാർട്ട്ഫോണുകൾക്കാണ് കൂടുതൽ ഓഫറുകൾ നൽകാൻ സാധ്യത. ഡിസംബർ 21 വരെയാണ് ഓഫർ ലഭ്യമാകുക.

ഫ്ലിപ്കാർട്ടിന്റെ വൺപ്ലസ് അംഗത്വമുള്ളവർക്ക് ഡിസംബർ 15 മുതൽ തന്നെ ഉൽപ്പന്നങ്ങൾ വാങ്ങാൻ സാധിക്കുന്നതാണ്. നിലവിൽ, കമ്പനി ടീസർ പേജുകൾ പുറത്തിറക്കിയിട്ടുണ്ട്. റിയൽമി, ആപ്പിൾ, വിവോ, പോക്കോ തുടങ്ങിയ ബ്രാൻഡുകളിൽ നിന്നുള്ള ഫോണുകളിൽ വമ്പിച്ച ഡീലുകൾ ഉണ്ടാകുമെന്നാണ് ടീസർ പേജ് വ്യക്തമാക്കുന്നത്.

Also Read: യുവാവിനെ വെട്ടിക്കൊലപ്പെടുത്താന്‍ ശ്രമം : മൂന്ന് പേര്‍ പിടിയിൽ

ആക്സിസ് ബാങ്കിന്റെ ക്രെഡിറ്റ് കാർഡ് ഉപയോഗിച്ച് ഉൽപ്പന്നങ്ങൾ വാങ്ങുന്നവർക്ക് 5 ശതമാനം വരെയാണ് ക്യാഷ്ബാക്ക് ഏർപ്പെടുത്തിയിരിക്കുന്നത്. മുൻപ് നടന്ന വിൽപ്പനയുമായി താരതമ്യം ചെയ്യുമ്പോൾ ഇത്തവണ ക്യാഷ്ബാക്ക് ഓഫർ കുറവാണ്. സ്മാർട്ട്ഫോണുകൾക്ക് പുറമേ, ടെലിവിഷനുകൾക്കും, വീട്ടുപകരണങ്ങൾക്കും വിലക്കിഴിവ് ലഭിക്കുമെന്നാണ് സൂചന.