ഉ​ത്സ​വ​ത്തി​നി​ടെ വാ​ക്ക്ത​ർ​ക്കം: യു​വാ​വി​നെ ആ​ക്ര​മി​ച്ച് പ​രി​ക്കേ​ൽ​പ്പി​ച്ച​യാ​ൾ അറസ്റ്റിൽ

കൊ​ല്ലം: ഓ​ച്ചി​റ പ​ര​ബ്ര​ഹ്മ ക്ഷേ​ത്ര​ത്തി​ലെ വൃ​ശ്ചി​കോ​ത്സ​വ​ത്തി​നി​ട​യി​ലു​ണ്ടാ​യ വാ​ക്ക്ത​ർ​ക്ക​ത്തി​നെ തു​ട​ർ​ന്ന് യു​വാ​വി​നെ ആ​ക്ര​മി​ച്ച് പ​രി​ക്കേ​ൽ​പ്പി​ച്ച​യാ​ൾ അറസ്റ്റിൽ. ഓ​ച്ചി​റ പാ​യി​കു​ഴി ത്രീ ​റോ​സ്‌​സ​സ് വീ​ട്ടി​ൽ ബെ​ല്ലാ​മോ​ൻ എ​ന്നു വി​ളി​ക്കു​ന്ന ആ​രി​സ് മു​ഹ​മ്മ​ദ് (39) ആ​ണ് പി​ടി​യി​ലാ​യ​ത്. ഓ​ച്ചി​റ പൊ​ലീ​സാണ് ഇയാളെ പി​ടികൂടിയത്.

ക​ഴി​ഞ്ഞ 27 ന് ​രാ​ത്രി 10.30 ഓ​ടെയാണ് സംഭവം. ഓ​ച്ചി​റ പ​ര​ബ്ര​ഹ്മ ക്ഷേ​ത്ര​ത്തി​ലെ വൃ​ശ്ചി​കോ​ത്സ​വ​ത്തി​ൽ പ​ങ്കെ​ടു​ക്കു​ന്ന​തി​നാ​യി ഓ​ച്ചി​റ ന​വാ​സ് മ​ൻ​സി​ലി​ൽ ഷാ​ജി കു​ടും​ബ സു​ഹൃ​ത്താ​യ അ​ഖി​ലി​നോ​ടൊ​പ്പം എ​ത്തു​ക​യാ​യി​രു​ന്നു.

Read Also : മലപ്പുറത്ത് 10 വര്‍ഷം മുമ്പ് കാണാതായ യുവതിയെയും യുവാവിനെയും കണ്ടെത്തി: മറ്റൊരു സംസ്ഥാനത്ത് സുഖജീവിതം

ക്ഷേ​ത്ര​ത്തിലെ തി​ര​ക്കി​നി​ട​യി​ൽ അ​ഖി​ലി​ന്‍റെ കൈ ​പ്ര​തി​യാ​യ ആ​രി​സ് മു​ഹ​മ്മ​ദി​ന്‍റെ ദേ​ഹ​ത്ത് ത​ട്ടി​യ​തി​നെ തു​ട​ർ​ന്നു​ണ്ടാ​യ വാ​ക്ക് ത​ർ​ക്ക​മാ​ണ് പി​ന്നീ​ട് സം​ഘ​ർ​ഷ​ത്തി​ലേ​ക്ക് ന​യി​ച്ച​ത്. വാ​ക്ക് ത​ർ​ക്ക​ത്തി​നെ തു​ട​ർ​ന്ന്, പ്ര​കോ​പി​ത​നാ​യ പ്ര​തി കൈ​യി​ൽ കി​ട്ടി​യ ഒ​ഴി​ഞ്ഞ ബി​യ​ർ കു​പ്പി ഉ​പ​യോ​ഗി​ച്ച് ഷാ​ജി​യേ​യും സൂ​ഹൃ​ത്തി​നേ​യും ആ​ക്ര​മി​ക്കുകയായിരുന്നു. അ​പ്ര​തീ​ക്ഷി​ത ആ​ക്ര​മ​ണ​ത്തി​ൽ നി​ന്നും ഒ​ഴി​ഞ്ഞു മാ​റാ​ൻ ശ്ര​മി​ച്ചെ​ങ്കി​ലും ഷാ​ജി​യു​ടെ കാ​ത് മു​റി​ഞ്ഞ് തൂ​ങ്ങി. ഇയാളെ ആശുപത്രിയിൽ പ്രവേശിപ്പിച്ചു.

ഇ​ൻ​സ്പെ​ക്ട​ർ നി​സാ​മു​ദീ​ൻ.​എ യു​ടെ നേ​തൃ​ത്വ​ത്തി​ൽ സ​ബ് ഇ​ൻ​സ്പെ​ക്ട​ർ​മാ​രാ​യ നി​യാ​സ്, എം.​എ​സ് നാ​ഥ്, എ​എ​സ്ഐ​മാ​രാ​യ ഹ​രി​കൃ​ഷ്ണ​ൻ, മി​നി എ​സ് സി​പി​ഒ ശി​വ​രാ​ജ​ൻ എ​ന്നി​വ​ര​ട​ങ്ങി​യ സം​ഘ​മാ​ണ് ഇ​യാ​ളെ പി​ടി​കൂ​ടി​യ​ത്. പ്രതിയെ കോടതിയിൽ ഹാജരാക്കി.