ലോകമെമ്പാടുമുള്ള അർജന്റീന ആരാധകരുടെ എല്ലാ പ്രതീക്ഷകളെയും കാറ്റിൽ പറത്തിയാണ് സൗദി അറേബ്യ ഇന്നലെ അർജന്റീനയ്ക്കെതിരെ അട്ടിമറി വിജയം നേടിയത്. അ‌ർജന്റീനയുടെ ഞെട്ടിക്കുന്ന തോൽവിയുടെ ഷോക്കിലാണ് ഫുട്ബോൾ ലോകം. ലോകകപ്പിലെ ആദ്യ പോരിൽ സൗദി അറേബ്യയെ നേരിടാനിറങ്ങിയ മെസിയും സംഘവും 2-1ന്റെ തോൽവിയാണ് ഏറ്റുവാങ്ങിയത്. സോഷ്യൽ മീഡിയയിൽ വൻ തോതിലാണ് തോൽവിയെക്കുറിച്ചുള്ള ട്രോളുകൾ നിറയുന്നത്.
ബ്രസീൽ ആരാധകരാണ് അർജന്റീനയെ ട്രോളാൻ മുന്നിൽ നിൽക്കുന്നത്. ഇപ്പോഴിതാ തോൽവി പ്രതിപാദിച്ച് രംഗത്തെത്തിയിരിക്കുകയാണ് യാക്കോബായ വൈദികൻ ഗീവർഗീസ് മാർ കൂറിലോസ്. ബ്രസീൽ ടീമിന്റെ ആരാധകരനായ അദ്ദേഹം അർജന്റീന ഫാൻസിനോട് ഇനിയെങ്കിലും അഹങ്കാരം കുറയ്ക്കു എന്നാണ് ഉപദേശിക്കുന്നത്. ഫെയ്സ്ബുക്കിലായിരുന്നു വൈദികന്റെ കുറിപ്പ്.
ഫെയ്സ്ബുക്ക് കുറിപ്പിന്റെ പൂർണ്ണ രൂപം:
ഇപ്പോൾ എന്തായി? ഇനിയെങ്കിലും അർജന്റീന ഫാൻസ് അവരുടെ അഹങ്കാരം അല്പം കുറയ്ക്കണം. ഞങ്ങൾ ബ്രസീൽ ഫാൻസിനെ കണ്ടു പഠിക്ക്…കാത്തിരിക്കു… ഇനിയുള്ള ദിവസങ്ങളിൽ കളിക്കളത്തിൽ സാമ്പാ നൃത്തച്ചുവടുകൾ… #ബ്രസീൽ
Post Your Comments